السبت، 11 سبتمبر 2021 - 01:13 م

عبرت الفنانة فريدة سيف النصر، عن غضبها من المعلومات الخاطئة التى يتم تداولها عنها فى عديد من الصحف والمواقع الالكتروينة. 

وعلقت فريدة عبر حسابها الشخصي بموقع التواصل الاجتماعي فيس بوك: “أنا اسمي فريدة جلال سيف النصر علي اسم جدتي.. أنا اتولدت في مستشفي العجوزة، ومدرستي ابتدائي النهضة الخاصة، إعدادي ثانوي القومية، كلهم في العجوزة، بعد كده فنون جميلة زمالك.. كان سابقني كل من حسين الإمام معالي زايد صلاح عناني وكتير انا دخلت إعدادي وهما أخر سنة”. 

وأضافت: انا تزوجت وانجبت ابن وحيد محمد، حاليا عندي حفيدتين لارا5 سنوات وتاليا3 سنوات بنات ابني محمد وزوجته منه، اعيش ببساطه وطبيعيه والفن بالنسبة لي بدايته مكتوبة عند ربنا مسابقة جمال الصيف وغلاف لوجه جديد لمجلة السينما والناس للدكتور عبدالمنعم سعد وكنت لسه 16بس ضرفه اتفرجوا علي فيلم الضحايا لجنة التحكيم كانت فريد شوقي سمير صبرى حسين فهمي صفيه العمري نيللي  جورج سيدهم  عاطف سالم وصحافيين كتير كبار وكانت الجوائز عقود عمل وجورج خدني بطلة مسرح علي طول.

واستكملت: بالعافية بيحطوني في واجهة الساخنة وأنا بفضل الله راجل اصلا ، وللنهاردة من أكثر من ثلاثين سنه كأنهم بيعايروني بفيلم مين فينا الحرامي كنت بطلة قصة مع عادل امام، (نقفش في الفراخ) ده افيه عايش للنهارده وكأنهم مسكوالي زلة عايشة معاهم كل السنين دي حتي عيال الجيل الجديد طيب حلو انا ماتنسيش (لطيفه) ..مين بقي المركز معايا الله اعلم..يعني انا ماعملتش المذنبون ولا المغتصبون لكن هو كده.

وعبرت غاضبة: زهقت..وانا مااسميش سوسن إلا لو عايزين بدل مايشوفوا فريده تبقي سوسن، واضح لأصحاب البصيرة، ولا انا مواليد 10 سبتمبر 61، ولاعمري شوفت حدايق القبة ويشرفني أكون منها لكن انا مواليد العجوزة، ودي حكاية تانية دي ست غنية قريبة الخديوي والحي ده للراقيين الهانم العجوزة، هابقي احكي لكم، وانا لاعملت تجميل وده شعري ياصحافة ويالذاذ اللي كاتمين في قلبهم ياامااااه، ويشرفني أسئلة جمهوري العشري حبايبي في الله فقط اللي بيحبوني العمر ده كله رغم قلة أعمالي يارب يخلليكم.