السبت، 18 سبتمبر 2021 - 11:50 م

قالت الفنانة نادين إن اعتزال البالية أصعب من اعتزال الفن، وكان أهون يقطعوا لي أصبع ولا أترك البالية . 

و اضافت الفنانة نادين خلال لقاءها مع الاعلامى دكتور عمرو الليثى ببرنامج واحد من الناس على شاشة الحياة، ان رجوعها للفن بسبب مكالمة من الفنانة منى زكى، و قالت لى معايا فيلم و ليكى دور مكتوب عليكي، و قولت ليها منى انتى مش واخده بالك اني اعتزلت من ١٧ سنة، فقالت لى اللى زينا مش بيعتزل، والكلمة دى هزتني جدا، و قولت ليها لا قالت لي مفيش حاجة اسمها لا فكري وإرجعيلى تاني. 

وتابعت الفنانة نادين  أن ابنها كان معاها في العربية وسامع الكلام و قالى يا ماما مين بيكلمك فقولت ليه دى منى زكى قالى بتاعة "تيمور و شفيقة"  وفوجئت انه بيشوف أفلام و متابع و قلت له انا سيبت الفن علشانكم فقال لى و احنا بنقول ليكى ارجعى و تحدثت مع زوجى و قال لى انا لم اتدخل في قرار اعتزالك ولو عاوزه ترجعي أرجعي.