أخبار الحوادث

الأحد، 10 أكتوبر 2021 - 02:35 م

البداية كانت خطأ؛ حين دارت مشادة كلامية تطورت إلى مشاجرة بين صديقين من جهة وثالث من جهة ثانية، مسرحها كان على إحدى الطرق الزراعية بشبين القناطر، أما السبب فهو خلاف على بيع مخدر الحشيش، تشابكوا بالأيدي، وما هي إلا لحظات حتى أخرج أحدهما سلاحًا أبيض «مطواة» من بين ملابسه وطعن بها المجني عليه، بعدما اكتشف المجني عليه أنه اشترى حشيش مضروب من صديقه، فطلب منه أن يسترد أمواله، وعندما رفض قرر الصديقان هنا الانتقام منه؛ فوقعت الجريمة التي نعرض لنص تحقيقات النيابة العامة فيها مع المتهمين.

س/ما اسمك وماذا تعمل وما هو محل إقامتك؟

ج/ اسمي  (ع. ع .ع) السن ٢٣ سنة، أعمل فطاطري وحلواني واقيم بقرية الأحراز.

س/ماهو قولك فيما هو منسوب إليك أنك متهم بالاشتراك مع المتهم  (ص.س) بقتل المجني عليه (حسن.ع. ح) وكان ذلك عمدًا مع سبق الاصرار والترصد؟

ج/ما حصلش ما كانش قصدي اقتله كان قصدي أضربه بس.

س/ما هو قولك فيما هو منسوب اليك من انك متهم بإحراز سلاح ابيض (سكين) بدون مسوخ من الضروري المهنية او الحرفية؟

ج/هي السكينه اللي ضربت بها حسن هي بتاعته مش بتاعتي.

س/وما الذي حدث إذا وما هي ظروف ضبطك وعرضك علينا؟

ج/اللي حصل ان انا وحسن الله يرحمه كان في بينا مشكله يوم الاثنين 31/5 /2021 بسبب فلوس بتاعة حشيش كنت اشتريته منه وطلع مضروب ورجعتله مع (صبحي.س) بس صبحي لما راح يرجع الحشيش اداه لـ(رضا.و) ورضا ساعتها كان له فلوس عند حسن ورفض يدي الحشيش لحسن علشان الفلوس اللي عليه وساعتها لقيت حسن جاي ليابيطالب بـ1000 جنيه وحصلت مشكلة والاهالى اتجمعت وحاشت بيننا وفي واحد اسمه احمد سميرقال إنه هيتوسط في الموضوع وقال انه هيجيب رضا ونقعد كلنا مع بعض ونحل المشكلة دي.

س/متى وأين حدث ذلك؟

ج/بداية المشكلة كانت يوم الاثنين 31/5 /2021 بالليل بقرية الاحراز دائرة المركز (أ.س) توسط في الموضوع وقال انه هيجيب رضا ونقعد كلنا مع بعض ونحل المشكلة دي وامبارح حوالي الساعة تسعة و انا على القهوة بتاعة (أ . ص) بقرية الاحراز جالي حسن الله يرحمه وحصلت مشكلة بيننا اللي توفى فيها بالقرب من القهوة.

س/من كان برفقتك آذاك؟

ج/كان معايا (ص .س)اللي معروض معايا.

س/ما هي علاقتك تحديدا بالمتوفى رحمه الله (حسن.ع ) هل ثمة  خلافات فيما بينكم؟

ج/انا وحسن الله يرحمه جيران متربيي سوا وكنا اكثر من اخوات لحد من فتره كده حصل بيننا مشاكل بسبب الشغل.

س/وما هي طبيعه تلك الخلافات؟

ج/هي خلافات بسبب ان من فتره اخذت منه بضاعة حشيش بألف جنيه طلعت فيستك ومش كويسه ادتها لصبحي علشان يرجعهاله ولكن صبحي سلمها لواحد صاحبنا اسمه رضا علشان يوصلها لحسن بس رضا ما وصلهاش لحسن ومن هنا حصلت المشكلة.

س/وما هي طبيعة الحوار الذى دار بينكم انذاك؟

ج/هو كان بيتخانق تاني علشان إلي عليا ليه وانا قلت له مش احنا اتفقنا ان كلنا هنقعد مع رضا ونشوف الغلط عند مين ومرة واحدة واحنا بنتكلم حاول حسن الله يرحمه يشد من يدي الموبايل ولكن انا كنت ماسكه كويس وبعدها مسكنا في خناق بعض.

س/وما هو التصرف الذي بدر منك أنذاك؟

ج/انا كنت باحاول اقاوم إعتداءه عليا وصبحي عرف ياخذ من إيدهالسكينه اللي كانت معاه والناس اجتمعت وفرقت بيننا ولما لقيت حسن بيجيب طوب رحتواخذ السكينه من ايد صبحي وضربته بيها من غير ما أقصد.

س/كم عدد الضربات التي وجهتها للمجني عليه؟

ج/انا ضربته بالسكينه ضربه واحدة.

س/هل حاولت إغاثه المجني عليه (ح.ع)عقب قيامك بإحداث الإصابه؟ 

ج/لأ.

س/وما الذي حال دون ذلك؟

ج/لاني انا لما ضربته سبته صاحي وكان واقف على رجله والناس اللي كانت موجوده هما اللي خلوني امشي انا وصبحي ونسيب المكان.

س/هل لديك سوابق او سبق ضبطك  في قضايا ممثله من قبل؟

ج/ما فيش غير قضيه واحدة بتاعة مخدرات وتم اخلاء سبيلي فيها ومنتظر الجلسه بتاعتها.

س/انت متهم بالاشتراك مع المتهم (ص. س) بقتل المجني عليه (حسن.ع) وكان ذلكمع سبق الاصرار والترصد بأن بيت النية وعقد العزم على قتله؟

ج/ما حصلش وانا ما كنش قصدي اقتله و كان قصدي اضربه.

س/هل لديك اي اقوال اخرى؟

ج/لأ معنديش.

المتهم الثاني

س/ماهو إسمك وماذا تعمل وما هو محل إقامتك؟

ج/إسمي (ص.س) السن ١٨ سنه وأعمل فطاطري وحلواني واقيم بقرية الأحراز دائرة المركز.

س/ما هي علاقاتك تحديدابالمتوفى الى رحمه الله (حسن.ع)وهل من ثمةخلافات فيما بينكم؟

ج/انا إتعرفت على (ح.ع)عن طريق(ع.ع) وبقى صاحب ليا ومكنش في اي خلافات بيننا بسالخلافات بينه وبين (ع.ع).

س/وما هي طبيعه تلك الخلافات؟

ج/هي خلافات بسبب حشيش بألف جنيه وطلع مضروب اداه ليا علشان ارجعهاله لكن رحت سلمت حتة الحشيش لواحد صاحبنا اسمه رضا علشان يوصلها ليه بس رضا موصلهاش علشان ليه فلوس عندالمجني عليه ومن هنا حصلت المشكلة.

س/ما هو التصرف الذي بدر منك انذاك؟

ج/انا لما لقيت الناس واقفه وخايفه تدخل غفلت المجني عليه واخذت منه السكينه بسرعه علشان كان حاططها على رقبه(ع.ع) وبيقول له مش هتمشي من هنا غير لما تجيب الفلوس اللي عليك وفي اللحظه دي دخلت بسرعه واخذت السكينه.

س/وماالتصرف الذي بدر منك عقب قيامك باستخلاص السلاح الابيض كما قررت مسبقا؟

ج/انا ما عملتش حاجه وفضلت واقف وساعتها(حسن.ع)جاب طوب وازاز من على الارض وكان داخل على (ع.ع)وسط الناس علشان يخبطه بيها وساعتها شد (ع.ع)السكينه من إيدي وجري على حسن وهوشه بيها وخبطه بيها.

س/ما هو التصرف الذي بدر منك عقب قيام المتهم الاخر بإحداث إصابه المجني عليه (ح.ع)؟

ج/الناس ساعتها قالوا لنا خده بعضكم وأمشوا من هنا ومشيت انا و(ع.ع).

س/انت متهم بالاشتراك مع المتهم(ع.ع) بقتل المجني عليه(ح.ع) وكان ذلك عمدا مع سبق الاصرار والترصد بأن بيت النيه وعقدت العزم على قتله انت وصديقك واعددت لذلك الغرض سلاح ابيض؟

ج/محصلش.

س/انت متهم بعدم حملك بطاقه تحقيق شخصيه رغم بلوغك السن القانوني.

ج/بطاقتي في البيت.

س/هل لديك اقوال اخرى؟ 

ج/لأ معنديش.