داليا جمال
داليا جمال


أما قبل

التوكتوك .. فوق كل قرار !

داليا جمال

الجمعة، 19 نوفمبر 2021 - 06:00 م

 

بصراحة كده وبالبلدى .. احنا عاوزين التوكتوك ولا مش عاوزينه ؟ هل الدولة جادة فى منعه أم أنها تداعب احلامنا فقط ؟


بعد أن أصبح منع التوكتوك من الوجود فى الشوارع حلما من احلام المصريين بعد أن تحول مع الايام لكابوس مزعج !


فالتوكتوك.. ليس ضيفا يومين ويحل عننا، انما هو طفيليات تكاثرت وتحولت مع الزمن الى ملايين المتطفلين فى الطريق تسبب المشاكل والجرائم والحوادث  وفى المقابل وعلى استحياء ...نسمع عن قرارات بترخيص التوكتوك ولا تنفذ ! وقرار بمنع استيراده ولا ينفذ !


واخيرا .. يصدر قرار بمنع استيراد قطع غيار التوكتوك .. ولا نعرف إن كان هذا القرار أيضا سينفذ ام سيكون كسابقيه!! ونكرر قصة منع سير النقل بالمقطورة الذى ظل معطلا عشرين عاما بحجة عدم قطع الأرزاق ! 


 الدولة تخشى من اتخاذ قرار حاسم بشأن التوكتوك  خوفا على مستقبل أصحاب التكاتك هيروحوا فين ؟


أقول لحضراتكم هيروحوا فين ..

هيرجعوا شغلانتهم الأصلية، وهنرجع نلاقى السباك والنقاش والنجار، ومنهم اللى هيرجع مدرسته ويشوف مستقبله .


لو منعنا التوكتوك وقطعنا عيش اللى شغالين عليه، هنمنع جرائم الاغتصاب المتكررة يوميا والخطف والقتل بغرض سرقة التوكتوك من صاحبه، وهنمنع حوادثه التى تصيب الرجال والنساء والأطفال.


فعلا .. مطلوب من الحكومة اليوم أن تكون قاطعة وحاسمة فى أمر التوكتوك ..

إن كانت عازمة على إنهاء هذه الظاهرة المؤذية، بصراحة مطلوب قرار واضح بمنعه خلال مهلة محددة ..

ينفذ بحسم وإصرار أسوة بالمشاريع القومية، التى تنفذ لصالح المنفعة العامة حتى لو جارت على حقوق أصيلة لبعض المواطنين، فمابالك بالتوكتوك اللى وجوده هو أساس الاعتداء على حق المواطنين !! 


وبلاش كل شويه قرار حنين وكأننا عاوزينه يموت مع الزمن .. فالتوكتوك لن يختفى بهذه الطريقة ..

التوكتوك كالحشرات الضارة لن تخلص منه الا بخبطة قوية مرة واحدة (تخلص عليه).
 

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة