السبت، 04 ديسمبر 2021 - 08:52 م

قال الفنان حسين الشريف، أشهر ضابط في السينما المصرية، إنه سعيد للغاية من تحية الجماهير له ومن الرسائل التي تلقاها من الجمهور خلال الأيام القليلة الماضية، وتفاعله مع التصريحات التي خرج بها منذ عدة أيام.

وأضاف أشهر ضابط في السينما المصرية خلال مداخلة مع الإعلامية لبنى عسل ببرنامج "الحياة اليوم" الذي يذاع على قناة الحياة: "وجودنا كفنانين بالناس والجمهور، والفنان بدون جمهور لا قيمة له، ويسعدنا للغاية عندما يطلب أحد الجماهير أن يلتقط صورة معنا".

وقال الفنان حسين الشريف، أشهر ضابط في السينما المصرية: أحب محافظة مرسى مطروح، وإقامتي في القاهرة، وأنا أعشق مطروح لأن أختي وزوجها يقيمون فيها، وكنت كل صيف أقضي أنا وأبنائي عدة أيام هناك، وبعد أن توفيت أختي وزوجها، استقرينا على البقاء في مطروح، وأنا منذ 2012 لم أعمل في السينما، فقررت أن أنتقل بشكل نهائي إلى مطروح.

وتابع الفنان حسين الشريف، أن الفن والتمثيل وحشوني، وأنا في قمة سعادتي عندما يطلب مني أحدهم التقاط صورة معي".

اقرأ أيضاً| وزير قطاع الأعمال: «نت» أول براند مصري لمنتجات الغزل والنسيج

وفي سياق مختلف  كشفت إيناس فوزي محامية الإعلامية اللبنانية فاتن موسى مستجدات حول أزمة طلاقها من الفنان مصطفى فهمي.

وقالت إيناس فوزي خلال اتصال مع برنامج "ET بالعربي": "إحنا في نيابة الدقي دلوقتي بنحرر محضر بلطجة واستعراض قوة وسيطرة علشان كانوا حابسين مدام فاتن في شقة الزوجية من بعد عصر يوم الأربعاء لغاية لما هي عملت استغاثة للنيابة على النت برسالة، وادولها رقم فحص وتحقيق واستنت إن حد يجيلها مفيش، وبعدها انهارت".

وأضافت: "كانوا مانعين عنها أي حاجة، على الساعة 10 بالليل يوم الخميس قلت لها اتصلي بالنجدة وأنا جيالك على أساس كل الناس بقت خايفة تجيلها حتى الحارس اللي كان بيحرسها خاف، وقعدوا يقولوا لها وقتك انتهى ومصطفى بيه الباشا بتاعنا يقدر ييجي في أي وقت حتى الفجر ده بيته وهو حر يعمل اللي هو عايزه. بعدها اتصلنا بالنجدة والنجدة جت وعاينت ولقت الراجل موجود قدام باب الشقة لزق والبواب بيحميه والأدوات اللي كان بيستعملها عصاية وسكينة بيخبوها في أوضة البواب وبيقولوا لها وقتك خلص".

وتابعت: "بسبب كلمة وقتك خلص قلت لها لازم تتصلي بالنجدة عشان تعمل لك حراسة، بعدها اتحرر محضر والبواب والبلطجي اتحبسوا وإحنا في النيابة علشان نبتدي تحقيق قضائي، وهما قالوا مصطفى باشا فهمي بيقول لنا إعملوا كده، إحنا بننفذ أوامر الباشا بتاعنا. ربنا هيجيب حقها علشان هما بيتعرضوا لها في نفسها وشرفها وبيهددوها بصور".