الأحد، 12 ديسمبر 2021 - 09:02 م

طالبت الإعلامية بسمة وهبة، الفنانة شيرين بإعادة النظر في علاقتها بطليقها الفنان حسام حبيب.

وأضافت وهبة خلال تقديم حلقة اليوم، من برنامج «90 دقيقة» على قناة «المحور»: أن شيرين تحب حسام حبيب لكنها موجوعة"، وهو يلتزم الصمت لأنه يحبها: "عاوز إنك ترتاحي": أعشقك وعاوزاكِ تفكري وتسألي نفسك عن الحاجات الحلوة منه تجاهِك يمكن حسام عنده ظروف ويمر بظروف نفسية زيك».

وتابعت: «مين مننا زوج أو زوجة مش بيتخانقوا مع بعض بدل المرة 10 و500، الستات ممكن تتعصب وتطلب الانفصال وده ممكن يحصل مع أي ست، ومين مقالتش لجوزها أنا مش طايقاك ومش عاوزاك، دي مبقتش عيشة، لما حلة المياه بتفور فيها بيخرج كل حاجة».

وأردفت: «شيرين اعترفت بأنها تعبانة نفسيا وممكن تكون بتروح لطبيب نفسي وتحصل على علاج وهذا لا يعني أنها مجنونة، ولما تكون تحت هذا الضغط والتأثير وتحصل على علاج وتحصل على دواء وتتحدث بقلبها ومشاعرها الخفية وعقلها الباطن، وبالتالي كل واحد المفروض يكون في حد قريب منه يفضفض معاه بس يكون معاه لأن تأثيره عليه يخليه يقول كلام يرجع يندم عليه».

إقرا ايضا
شيرين عبد الوهاب: هاني شاكر وقف مع مريام فارس وتركني في أزمة حفلتي