الأحد، 12 ديسمبر 2021 - 11:32 م

كشف الملحن محمد يحيى، عن رأيه في القرارات الأخيرة لنقيب الموسيقيين هاني شاكر، بمنع 19 من مطربي المهرجانات.

وأكد محمد يحيى، خلال لقاءه مع برنامج ET بالعربي، على أنه يدعم قرار هاني شاكر، بشكل كبير، ويرى أن النقيب يحاول الحفاظ على الذوق المصري.

وأضاف الملحن محمد يحيى، أنه تضرر من مطربي المهرجانات، مستكملًا: هما خدوا ألحان مني كتير جدًا كتبوا عليها أساميهم ونزلوها وكسبوا منها فلوس، ودا يعتبر بالنسبالي سرقة، وأنا مع أن الناس دي تتحاسب ومتتسابش لأنهم استحلوا حاجات مش بتاعتهم.

تابع محمد يحيى: أنا مش ضد المهرجانات كشكل موسيقي، أنا ضد المهرجانات كأفكار وكلام، بس هما "زي الحرامي اللي أخد حاجة منك وكسب منها وأنت بتتفرج".

وعلق محمد يحيى عن سرقة حسن شاكوش وعمر كمال ألحان أغنية حاجة مستخبية لمحمد حماقي، قائلًا: أغنية بنت الجيران نجحت أكتر من محمد حماقي لأنهم عملوها بطريقة الناس حبتها، ترقص عليها وتغنيها، ولازم القائمين على الصناعة يفهموا الناس بتحب إيه.

وأكد الملحن محمد يحيى أنه متحمس لعودة شيرين عبد الوهاب مرة أخرى، ويتطلع للتعاون معها بعد ظهورها مجددًا ومحاولتها لتخطي أزمتها الأخيرة.