الثلاثاء، 14 ديسمبر 2021 - 11:17 ص

أعرب مؤدي المهرجانات حمو بيكا، دهشته من الأخبار المتداولة والتي أثارت جدلاً واسعاً حول تعيينه لعدد من المهندسين والمحاسبين، في شركته الخاصة بصناعة المهرجانات.

وأكد حمو بيكا، عبر حسابه الرسمي على "فسيبوك"، على أنّ هذا الكلام عارٍ تمامًا عن الصحة.

وكتب حمو بيكا: «مفيش طبعاً الكلام ده، أنا مؤدي مهرجانات.. إيه دخل المهندسين والمحاسبين بشغلي؟ والكلام ده برضه مخرجش من لساني نهائي واللي كاتب كده شخص عديم الضمير ولازم فعلياً يتحاسب على اللي عامله».

وأضاف حمو بيكا،: «فريقي مكون من موزعين وشعراء وفريق السوشيال ميديا وجرافيك ومونتير، وعمال نظافة وبوفيه فقط، أما بالنسبة للمطاعم فعندي عمال كتير الحمد لله».

وتابع حمو بيكا، «حاليًا بجهز لمطعمي الجديد وبالفعل فيه مهندس ديكور لعمل تشطيبات المطعم ومش شغال عندي أو معايا ده راجل بيأدي شغله فقط.. وطبعاً كل المهندسين والمحاسبين على دماغي من فوق وليهم كل الاحترام والتقدير».

وكان أصدر هاني شاكر قرارًا، بمنع عدد من مطربي المهرجانات عن الغناء، على رأسهم حسن شاكوش، وحمو بيكا، عادل شكل، عنبة، أحمد موزة.

ومن ناحية اخرى أعلن مطرب المهرجانات الشعبية حمو بيكا، عن تعاون جديد سيجمعه بصديقه حسن شاكوش، وهي أغنية ديو تحمل اسم «دايمًا حاسدنا» ومن المقرر طرحها مساء اليوم.

وروَّج بيكا لأغنيته «دايمًا حاسدنا»، عبر حسابه الشخصي بموقع التواصل الاجتماعي فيسبوك، حيث نشر فيديو، قال فيه: انتظروا النهارده مهرجانَّا دايمًا حاسدنا.. استنوا الشغل الجاي، بحبكم يا أحسن أخوات في الدنيا.

وتقول كلمات الأغنية: أنا دمعي تعبني، ناس مش حبينا دول بيغيروا منا، دايمًا حسدنا وضحكتهم صفرا، على ورا جيبانه، أنا بابا أنا هخبط مش هتخبط، كله في أرضنا يتظبط، ومفيش عندنا عزيز.