الإثنين، 20 ديسمبر 2021 - 04:02 م

السيدات لهن طبيعة خاصة في إدارة أي شىء وكثير منهن يحبن الخصوصية ولذلك هناك منهن من تعمل فالمسئولية كلها عليهن في تربية الأولاد وحل مشاكلهم وهو جزء من روتينهم اليومي، ومن هنا تظهر بعد الفرص لهن للخروج والفسخة.

وأمام إيمان سمير بالعمل على مبادرة اسمها «خروجات سيدات وبس» هدفها النزهة للسيدات فقط وضمان تمتعهن بالخصوصية ، مستندة إلى خبرتها كمدربة تنمية بشرية.

إيمان قالت لـ«بوابة أخبار اليوم»: إن فكرة جروب خروجات سيدات بس جاءت من سنتين عملت خلالهما جروب لتجميع كل حاجة تفيد السيدات في مكان واحد ، بعد كده بدأنا الرحلات وما أجملها رحلات بصحبة أجمل ناس.

وأضافت: بنعمل رحلات مختلفة زى يخت في النيل أو نتعلم كاياك أو نروح حمام مغربي أو نعمل مساج أو نروح يخت في السخنة أو فيلا على النيل خاصة لنا أو نتعلم عجل أو سفر للفيوم أو الإسكندرية أو بورسعيد وكذلك الأماكن الأثرية ولا أروع والأهم أن الرحلات ليست مجرد رحلة وخلاص.

وتابعت: لازم بنضيف فقرات وحاجات مبهجة تخليكي فعلا تروحي مبسوطة الهدف إن يكون لك مكان في الحقيقة تشحني فيه طاقتك وترجعي تتوازني تاني في أدوارك والحمدلله بنرجع من أي رحلة بفرق رائع من الفضول للبنات والسيدات والأمهات بنتكلم عن سر من الأسرار اللي بتخلينا نعيش حياة أفضل كبنات أو سيدات والفضول ده بيبقي عند الطفل الصغير اللي عايز يستكشف الحياة ويبقي فرحان بكل حاجة جديدة بيكتشفها بس للأسف مع زيادة ضغوط الحياة يقل الفضول وللأسف ساعات بيموت كمان وده اللي إحنا بنحاول نرجعه تاني في رحلاتنا».

ومضت في حديثها: «هدف رحلاتنا إنك تستكشفي حاجات جديدة وتتعرفي على ناس جديدة ويبقى عندك فضول إنك هتكتشفي إيه في نفسك وهل فعلا هتتعرفي على الناس بسهولة ولا لا؟.. هل فعلا السيدات تقدر تخوض مغامرة جديدة؟»

وأضافت إيمان: «كان عندنا الفترة اللي فاتت رحلات أجمل من بعض وجربنا حاجات جديدة سوا رحنا ركبنا كاياك ودراجون بوت في النيل لعبنا ألعاب جوة الجبل في دير سمعان، واتعلمنا نركب إسكوتر.. كل يوم من دول هو تجربة حياتية جديدة يوجا في الصحرا في الفيوم».

  
وطالبت إيمان السيدات القيام بتجربة حاجات جديدة والتعرف على ناس جديدة للشعور بسعادة كبيرة عبر البحث على المكان الخاص بهن لشحن طاقة أكبر وأجمل للحياة وحافظي على صحتك النفسية لأنها لا تقل أهمية عن صحتك الجسدي.