السبت، 01 يناير 2022 - 08:59 م

أكدت الفنانة أمينة، أنها بيتها وأولادها وزوجها هم تفكيرها الأول في حياتها.

وقالت باكية: «ممكن كل يوم بفكر اقعد من الشغل وأربي أولادي وبيجي عليا وقت حتى وأنا نازلة على الشغل بحس إن في حاجة فيا مفقودة واليوم اللي بأخذ فيه اجازة وأذاكر لأولادي بحس اني ام».

نرشح لك - صوفينار وأمينة تشعلان رأس السنة بحفل كامل العدد | صور

وأضافت الفنانة أمينة، خلال حواره ببرنامج «حبر سري» مع الاعلامية اسما ابراهيم، على قناة« القاهرة والناس»:«بحس بأولادي قوي وبحبهم لدرجة محدش يتخيلها وساعات بحس اني باجي عليهم وبضغط عليهم في وقتهم».

وكشفت أمينة، أن أكثر قرار أخطأت فيه في حياتها، هو تركها كلية الحقوق في الاسكندرية والتقديم في المعهد العالي للفنون المسرحية؛ قائله: «أكثر قرار غلط أنى سبت كليتي فى إسكندرية وقدمت فى المعهد العالى للفنون المسرحية، وكنت ممكن أكون فى حياة وحالة تانية غير اللى عايشاها دلوقتي».

وذكرت: «أحلى حاجة فى اللي وصلت له إنى قبلت علاء جوزي وجبت ولادي، وكان ممكن اكون محامية ومشيت فى كلية الحقوق ولكن الغناء بيكسب أكتر من المحاماة».

وأشارت الفنانة أمنية، إلى أنها حال خوضها فكرة الانتاج الغنائي الشعبي ستنتج للنجمة شيرين، قائلة: «لو قررت أنتج عمل شعبي ممكن يكون شيرين عبد الوهاب لأنه صوتها كويس ويقبل».