الأحد، 02 يناير 2022 - 10:07 ص

وجهت الفنانة سمية الخشاب، رسالة إلى الفنانة شيرين عبد الوهاب، قائلة: «أنت قوية وهتعدي المحنة دي، الحياة مبتقفش على حد، وفيه أمل خصوصا إنك ست ناجحة وعندك بنات».

وأضافت سمية الخشاب، خلال لقائها مع الإعلامية ياسمين عز في برنامجها كلام الناس، أنا دايما بقول استشعروا النعم اللي ربنا أنعم بها عليكم، زي الستر والصحة والبيت ولازم نشكر ربنا أننا قادرين نبلع ونمشي ونتنفس، إحنا بس اتعودنا على النعم، والناس تعيسة عشان بيفكروا في اللي فات واللي جي.

وقالت سمية الخشاب: اللي فات خلاص بقى مجرد ذكرى تفكرني وأتعلم منها والمستقبل بتاع ربنا، ودا مش معناه أني مخططش ومحلمش، بالعكس اكتبوا أهدافكم وأحلامكم في السنة الجديدة.

وكانت شيرين عبد الوهاب فاجأت جمهورها خلال حفلها الغنائي الأول، بعد طلاقها من حسام حبيب والذي أحيته في أبوظبي مساء الجمعة 10 ديسمبر، بظهورها حليقة الرأس.

اقرأ أيضا| 40 ألف جنيه ..سعر فستان شيرين عبد الوهاب في حفل أمس

ووجهت شيرين عبد الوهاب، تحديًا للنجمة أصالة على المسرح قائلة: "أتحدى أصالة مش هتقدر تعمل كدة"، وأشارت إلى رأسها.

وردت شيرين عبد الوهاب على الأخبار المتداولة حول تورط زوجها السابق الفنان حسام حبيب في حلاقة شعر رأسها، وكتبت عبر حسابها في "تويتر": "ليه ميكونش لوك جديد، ليه ميكونش تغيير، ليه ميكونش أنا اللي عملت كدة حتى لو عندي اكتئاب؟ ليه فرضتوا السيء والأسوء وظلمتوا شخص بريء وظلمتوني".

شوف سمية الخشاب بتعمل إيه لو كانت متضايقة أو حزينة.. ودية رسالتها للفنانة شيرين عبدالوهاب

حمل شاهد واتفرج ببلاش :https://t.co/xFyyETzx5L#كلام_الناس#MBCMASR pic.twitter.com/AP4P5L2z1n

— MBC مصر (@mbcmasr) January 1, 2022