الأحد، 02 يناير 2022 - 06:28 م

رد الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، على سؤال ورد إليه من أحد المتابعين، نصه: أنا شوفت عمتي في الشارع مع واحد وكان باين إن العلاقة فيها حاجة مشبوهة، أقول للعيلة ولا أعمل أيه؟.

وأجاب مبروك عطية من خلال بث مباشر عبر حسابه الرسمي على موقع التواصل الاجتماعي فيس بوك: "عيلة إيه اللي هتقولها علشان شوفت عمتك مع سباك في الشارع رايح يغيرلها الحنفية، وهى عارفاه وعارفه أمه، وبتقوله مد يا مكلوب، وأختك عملت أيه لما اطلقت وأنت ولا عارف سيرة عمتك وأنت تعرف سيرة كام واحد".

وأضاف مبروك عطية: حسن الظن بالله من الإيمان والحمد لله انك شفتها في الشارع، وبعدين متأكد منين أنهم على علاقة مشبوهة، شوفتهم ماشيين في الشارع بيطوحوا.. سكرانة عمتك وهو بيفوقها.. ولا هو سكران وهى واخداه على صدرها!..علاقة إيه بس اللي مشبوهة؟!

وأشار العميد السابق لكلية الدراسات الإسلامية: "ست كبيرة واخده كهربائي واللمبة عندها كل ما تركبها بتطفي، حسن الظن واجب، أما لو خدت الموضوع بقى في بالك، بس كان عليك تتأسى بسيدنا محمد صلى الله عليه وسلم لما كان واقف مع زوجته صفية فمر عليه نفر من الصحابة وناداهم وقال لهم هذه صفية".

واختتم مبروك عطية: "لو ناديتها وقولتلها يا عمة مين ده يا عمة.. حتقولك ده الولد السباك ابن خالتك نبوية".

أقرا ايضا       مبروك عطية: «نحن مأمورون بأن نبادل السيئة بالحسنة» | فيديو