منتدى شباب العالم
منتدى شباب العالم


الباز: منتدى شباب العالم يعود على مصر بمكاسب سياسية وثقافية وترويج للسياحة

رضا خليل

الجمعة، 14 يناير 2022 - 09:31 م

 

قال الدكتور محمد الباز، إنه في طريقه للقاهرة قادما من شرم الشيخ بعد انتهاء فعاليات منتدى شباب العالم في نسخته الرابعة، وتحدث معه مواطن بسيط حول أهمية منتدى شباب العالم، وذكر له أن المنتدى فرصة كبيرة لتعريف العالم بما بحدث في مصر.

اقرأ أيضا | شباب العالم: مبهورون بمصر وأهلها.. شكرا على حسن الاستضافة

وتابع خلال برنامجه "آخر النهار" المُذاع على قناة "النهار": "المواطن قالي كمان لو قعدنا 100 سنة نتكلم مع الناس ونقول عملنا وأنجزنا ايه فالعالم ممكن يشك لأنه هيعتبر الكلام اللى بنقوله دعاية والناس دايما بتحس بمبالغة في الدعاية، لكن الشباب الأجنبي اللى جه السنة دي مش هو اللى جه في الـ 3 نسخ الأخيرة للمنتدى، وكل واحد من الشباب دي لما يرجع بلده هيتكلم عن مصر واللي حاصل فيها من تطور".

وأضاف "الباز": "هذه الإجابة البسيطة اللى مفيهاش فذلكة ولا تنظير كافية حول أهمية منتدى شباب العالم، وأننا بنبعث رسالة للعالم أننا نشتغل من أجل الإنسانية وبنعمل سلام وحوار وتنمية، ولا ننزعج من الاختلاف".

وواصل: "شباب من 196 دولة كانوا موجودين خلال أيام المنتدى، ولو أنفقنا دعايا بالمليارات عشان نعرف الناس باللي عندنا مكناش هنوصل للأثر اللي وصلنا بيه للناس في العالم من خلال منتدى شباب العالم".

وأوضح، أن حفل الختام يؤكد أن مصر تمتلك إمكانيات عظيمة، والإبهار الذي رأيناه "بيقول أن في تطور في صناعة الإعلام في مصر".

وأردف: "المخرجة خيرية المنصوري وهي تعيش في أمريكا تحدثت معي وقالت في زيارة للقاهرة، إن فنان كبير أمريكي أرسلت له مقطع فيديو يرصد احتفالية نقل المومياوات وطريق الكباش، وأول انطباع له على الاحتفاليات أنه كان مش مقتنع أن اللي نظم الاحتفالات دي مصريين، وقال إن في ناس كتير في أمريكا متقدرش تنظم الاحتفاليات بالشكل ده".

وأكد "الباز"، أن ما أنفق على منتدى شباب العالم هو من أموال الرعاة، منوها أن تلك الفعاليات نجني من وراءها مكاسب سياسية وثقافية، ودور وتأثير لمصر في العالم، لأن الاحتفاليات تنشر صورة إيجابية عن مصر وترويج للسياحة المصرية.

 

الكلمات الدالة

مشاركه الخبر :

 
 
 
 
 
 
 
 

 
 
 

 
 
 

مشاركة