الأحد، 30 يناير 2022 - 11:22 م

قال النجم بيومي فؤاد، أنه كان طفل معجون بمية عفاريت واسم الشهرة يوكا، وكان والديه يضرباه بالخرطوم؛ لأنه كان بلعب في الشارع ، ولما حصل على الثانوية العامة صفعه والده على وجهه من والده عشان اتخنقت مع اخويا الكبير وصالحني بعدها و أهدانى ساعة . 

وأضاف بيومى فؤاد خلال حلوله ضيفا ببرنامج واحد من الناس مع الاعلامي د. عمرو الليثي على شاشة الحياة ، كنت احيانا ارجع من غير الكوتشي وانا بلعب كورة، لأنى كنت بعمله عارضة ، وذهبت الي المنصورة مرة عشان ألعب كورة ، كما أني شربت سجاير في آخر سنة في الكلية ووالدي كان موظف في الكلية وشاهدني وأنا بشرب سجاير، واستمرت في مكاني وطلعت السيجارة من بقي وقلت له اتفضل. 

و تابع بيومى فؤاد علاقتي طيبة بجيراني ومنهم أبناء فنانيين ، وأكتر شخص كنت بحبه واتريق عليه كان صاحبي الصعيدى كان بيلعب كورة فى أى وضع حافى لابس هدوم أو من غير هدوم  ، وعملت مقلب في مدرس الجغرافيا والتاريخ ، وكان بيطلب فلوس الدرس عند الحصة الأخيرة وانا كنت بزهقه وأقول له ما فيش فلوس معايا . 

أقرأ ايضاً - 7 شخصيات تقابلهم في نهاية العالم بمسلسل «الجسر»