الثلاثاء، 01 فبراير 2022 - 11:22 ص

وجه الفنان عبد الباسط حموده، كلمة لمؤدي المهرجانات حمو بيكا، مؤكدًا أنه يمتلك خامة صوت جيدة ومختلفة، ويمكن بالتدريب أن يصبح محترفًا.

وقال عبد الباسط حموده خلال مداخلته مع الإعلامية إنجي أنور، ببرنامج «مصر جديدة»: «حمو بيكا ابني وحبيبي وهو إنسان طيب ولو يديني نفسه شهر أنا هاخليه يعرف يغني إزاي، وهاعلمه زي ما أنا اتعلمت وهاعلمه إزاي يغني وإزي يجيب الطبقة الصح».

إقرأ أيضا - من القاهرة.. أميمة طالب تحتفل بإطلاق ألبومها الجديد «أنا شايفاك» | صور

واستكمل عبد الباسط حموده: «ودا لأنه عنده طموح وعايز ياكل عيش، وأنا علمت ناس كتير منهم شيبة وطارق الشيخ ومحمود الليثي وأنا علمت نيكول سابا ودنيا سمير غانم في أماكنهم، وأنا بحب حمو أوي ولما باجي اتصل بيه بلاقي تليفونه مقفول ومبعرفش أوصله».

 وأضاف: «هخلي حمو بيكا بيغني أكنه بيغني بقاله 30 سنة بس هو يديني ودنه لأن هو بعيد، وأنا بحبه، وأنا هاخليه مطرب زي سيد الملاح وإسماعيل ياسين، وخامة صوته كويسة، وزي شعبان عبد الرحيم، وزعلت لما حمو بيكا غير اسمه». 

وعن أفضل مطربي المهرجانات الشعبية كشف عبدالباسط حموده: «لا يوجد مطرب شعبي في مصر».

وأوضح: «أقسم بالله لهخلي حمو بيكا مطرب شعبي كبير مثل طارق الشيخ ومحمود الليثي ودنيا سمير غانم وأحمد شيبة».

ومن جانبه، أكد حمو بيكا مطرب المهرجانات الشعبية، أن سيقوم بالتواصل مع الفنان عبد الباسط حموده، لترتيب موعد للبدء في تعليم الطرب والموسيقي والجرأة على المسرح.