السبت، 26 مارس 2022 - 09:57 م

علق مجدى عبد الغنى رئيس جمعية اللاعبين المحترفين، على أزمته مع فرد الأمن في استاد القاهرة قبل انطلاق مباراة منتخب مصر الوطنى أمام السنغال، قائلًا: ما شتمتش حد وفوجئت بمنعي من الدخول.

وأضاف عبد الغني في تصريحات تليفزيونية: أنا مش صغير أنا حاجة وستين سنة، كل ما نكبر يزيد تقديرنا ولا كل ما نكبر نتبهدل، أنا اتبهدلت قدام الباب إنتوا بتتكلموا على ثانيتين؟.. فضلت ساعة بهاتي كمان قبل الفيديو اللي اتعرض. 

وأكمل عبد الغني: أنا بحترم الولد اللي منعني ومفيش بيني وبينه حاجة خالص، ولازم نركز في ماتش السنغال الحاسم، إحنا دخلنا ومصر كسبنا وأنا هروح السنغال ورا المنتخب بروحي وبدمي هشجع المنتخب، أنا إديته وأنا لاعب وهديله وأنا مشجع، واللي حصل مش هينسِّي الناس هدفي في هولندا، هوه هدفي ملوش قيمة؟.

وأردف مجدي عبد الغني كلامه بـ: بستغرب على اللي بينتقد المنتخب، لازم ندعم منتخبنا، معانا شوط ثاني صعب هناك، لما ننتقد منتخبنا دا بيقلل من قيمته وبنضعف معنويات اللاعيبة.

واختتم عبد الغني: المباريات الكبيرة دي عمرنا ما اتفرجنا فيها على كورة حلوة عشان الأعصاب بتكون مشدودة، وجمهورنا اللي كان حاضر في استاد القاهرة  كان سر في المكسب.

أقرأ أيضاً| وزير الشباب: تنسيق كامل لحضور الجمهور المصري مباراة المنتخب بداكار