الأحد، 27 مارس 2022 - 09:33 ص

قال الشيخ خالد الجندي، عضو المجلس الأعلى للشئون الإسلامية، إن بعض كبار صحابة رسول الله، كان يعتبر ربا الفضل حلال منهم عبدالله بن الزبير روي عنهم أنهم تعاملوا بربا الفضل وكان حلالا.

ظهر الشيخ خالد الجندى، عضو المجلس الأعلى للشئون الإسلامية، بعدد كبير من الكتب الدينية على الهواء مباشرة، معلقا: "شايفين المجلدات دى، انا جبتها من مكتبى عشان كلنا نفهم، ونرد على الجهلاء وتجار الدين، دى الموسوعة الفقهية، دى شارك فى كتابتها كل علماء الأمة على مستوى العالم، عشان تعرف إن الكلام أنا مش جايبه من عندى".

وتابع الجندى، خلال حلقة ببرنامج "لعلهم يفقهون"، المذاع عبر قناة "dmc" الفضائية،: "أنا جايب الكتب دى عشان أرد على العائلة الحوينية اللى بتحرم البيض والفسيخ، وكمان بتحرم فوائد البنوك، اللى مش بيقروا ولا فاهمين حاجة وبيتاجروا بالدين، النهارده لهم فضيحة أنا جايب الكلام أهو من كتب لعلماء المسلمين".

وبدأ الجندى يقرأ من بعض صفحات الكتب التى أمامه، ليؤكد أن فوائد البنوك حلال وليست حراما، وأن المصريين أموالهم حلال من فوائد البنوك.