الخميس، 31 مارس 2022 - 08:11 م

لو كوكب الأرض بيتكلم كان صرخ وقال أنا من ظلم العباد مفروس
على كوكبى بيزرعوا الدمار وعلى الروابى الخضر الدبابات بتدوس
عايزين يطفوا شمس النهار بالنار ضمايرهم غبية بيرعى فيها السوس
وبتحمل الأذى والتهديدات والنرفزة وبركان غصب تحت الصخور محبوس
والأرض بتئن من كتر سوء الظن وللسلام بتحن جرس الخطر بيرن
ولو اتفتح ثقب الأوزون لا حيخلى صينى ولا ايرانى ولا امريكانى ولا روس..!