الإثنين، 04 أبريل 2022 - 09:07 م

تسبب اختلاف حالة الطقس، تساءل رواد السوشيال ميديا «اللبس الصيفي» حيث تسبب ارتفاع درجة الحرارة التي استمرت لعدة أيام خلال الأسبوع الحالي في تخفيف البعض للملابس وارتداء اللبس الصيفي، وتزامن مع ذلك موجة من التراب والغبار، وبلغت سرعة الرياح 24 عقدة، ونشاط الرياح المثيرة للرمال والأتربة ومستوى الرؤية 4000 متر.

- «الاختيار 3 » يتصدر التريند.. ومغردون «جرعة مكثفة ضد أعداء الوطن»

لذلك دشن رواد السوشيال ميديا هاشتاج «#اللبس الصيفي» متداول صورة «حمو بيكا » اثناء حلقات برنامج «رامز موفي ستار» مع النجم رامز جلال وتصدر التريند وجاءت أبرز التعليقات كالأتى :

كتب إسلام :« لما تيجي تجرب اللبس الصيفي »، وكتب فريد: «ده من دلوقتي والله ماما بتقولي يلا عشان نطلع اللبس الصيفي  »، وكتب عادل:« لما تفكر تقيس اللبس الصيفي تبقى زى حمو بيكا بالظبط».

 وكتب ياسين :« هو الجو حر وكل حاجة بس جرأة اللبس الصيفي دي صعبة ف اولها» ، وكتب رجب :«بحاول انسي اني المفروض اطلع اللبس الصيفي قبل رمضان وكدا»، وكتب هانى :«محتاجه اغمض عيني وافتحها الاقي اللبس الصيفي طلع والشتوي دخل» ، وكتب يوسف: «اللبس الصيفي قطن والقطن معروف انه بيكش» .

 وكتبت سلوى :«اانا مش فاهمه اللبس الصيفي بيكش لوحده ازاي في الدولاب بجد» ، وكتبت منال :« حلو الجو ده يا تتسلخوا والخنقه ديه اللهم سلخ فخادهم ودلل كرشهم فى اللبس الصيفي امين»، وكتبت سناء :«هو اللبس الصيفي ماله خير بجد ماله؟!! ايه جناين الورد اللي في الهدوم دي كلها»، وكتبت إسراء :«لما تيجى تقيس اللبس الصيفى وتلاقيه مش داخل فيك تبقى شبه حمو بيكا» .

الجدير بالذكر بأن درجات الحرارة غدًا الثلاثاء وفق توقعات الأرصاد الجوية تصل إلى 39 درجة في القاهرة، وتكون أعلي درجات الحرارة المتوقعة خلال حالة الطقس غدًا إلى 42 درجة ، وكشف تقرير حالة الطقس غدًا في مصر عن طقس شديد الحرارة نهارًا ومعتدل ليلًا على جميع أنحاء الجمهورية ، وحذرت الهيئة العامة للأرصاد الجوية من الأتربة العالقة في الجو في أغلب المناطق ما عدا جنوب الصعيد وجنوب سيناء فيكون الجو مشمسًا.