الثلاثاء، 05 أبريل 2022 - 09:29 م

قالت الفنانة آمال رمزي، إنها كانت معجبة بالفنان رشدي أباظة، وكشفت تفاصيل أول مشهد جمعها به، مؤكدة أنها لم تنطق بحرف واحد خلال التصوير.

وأضافت خلال لقائها عبر فضائية "سي بي سي": "كنا في تصوير أنا ورشدي أباظة، والمفروض أنا في الدور بتاعي برقص وبقول عوض زكي تيجي نرقص شت شت شا.. راح رشدي قاللي إيه عجين الفلاحين ده، وراح جاب أسطوانة وقعد يعلمني الرقص على شت شت شا".

وتابعت، أنها كانت تسكن بجوار الفنانة نادية لطفي، معقبة: "كنت بروح الكوافير اللي عند العمارة بتاعتها علشان أشوفها، وبعدين في مرة قولتلها أنا بحب التمثيل وبمثل في المدرسة، وبما إننا جيران فأنا عايزة أمثل، قالتلي طب في تصوير بكرة تعالي، روحت من 8 الصبح، ولقيت كمال الشيخ، وكمال الشناوي، وعمر الشريف، وبقيت مبهورة، فلقيت نادية لطفي بتقول لأستاذ كمال، جارتي المجنونة ديه شوفولها دور، قالي طب خليكي قاعدة".

وأردفت: "سابوني 4 أو 5 ساعات، وبعدين خلوني كان فيه دور كده لواحدة بتتكلم في التليفون مع كمال الشناوي، ولكن نادية غلطت في تمثيله أكتر من 6 مرات، فأنا قولتلها روحي قوليله أنا حفظت، وسيبيني أنا أمثله".

وتابعت: "أستاذ كمال قالي تعرفي تمثليه؟، قولتله ده أنا ممكن أعمل مشهد جديد، قالي طب قولي كده، وفعلًا سمعتهم من غير ما أغلط خالص، وبالفعل عملت المشهد ده وبدأت من هنا".

إقرأ أيضاً : حبا في الشيكولاتة.. أول ظهور للطفلة علا رامي بالسينما