الخميس، 07 أبريل 2022 - 08:43 م

رد الفنان إسلام إبراهيم، على الهجوم الذي تعرض له على السوشيال ميديا بعد ظهوره بإطلالة غريبة في مهرجان الجونة، قائلا: "الجمهور من حقه يعمل أي حاجة وهو اللي بيدينا نجاحنا ولكن أنا مش طول الوقت بلبس البدل الغريبة كده ومكنتش عايز أبقى ترند في المهرجان".

وأوضح الفنان إسلام ابراهيم، خلال حواره ببرنامج "حبر سري"، مع الاعلامية أسما ابراهيم، على قناة القاهرة والناس، أن أزياء المهرجانات تعتبر مشروع وفكرة البدلة عجبته، مضيفا: "لبس المهرجانات بيبقى زي المشروع وفكرة البدلة عجبتني ولما لقيت أن ده سلبياته أكثر من إيجابياته مش هعمله".

وأشار الفنان إسلام إبراهيم، إلى أن مسلسل بـ 100 وش أضاف له ولزملائه الكثير، قائلا: "ممكن نقعد سنين كتير عشان ننجح زي أدوار 100 وش وجو العمل المخرجة كاملة أبو ذكري كانت بتعامل الكل كنجوم وبتحاول توصل الإحساس، وأنا بعشقها وتعمل اللي هي عايزاه".