الجمعة، 15 أبريل 2022 - 05:30 م

قال الفنان أحمد عبد العزيز: "قعدت حوالى ١١ سنة كل سنة ليا عمل فى رمضان والحمد لله كانت كلها اعمال متميزة لاقت قبول و استحسان من الجمهور بشكل كويس، جاء ذلك خلال مداخلة هاتفية لبرنامج "اللمة تحلى" للمذيعة شيماء السباعي

وأضاف: "مسلسل الفرسان كان صعب عليا من ناحية ظروف العمل واخد وقت طويل فى التصوير حوالى ٩ شهور وكان صعب لان تصويره كان معظمه خارجى و اخد  مجهود كبير كمان و السيرة الهلالية الجزء الاول و لا اله الا الله الجزء التالت خدوا مجهود كبير جدا الاعمال الشاقة هى الاعمال التاريخية". 

وعلق علي ورش الكتابة فقال ورشة الكتابة ممكن تكون حاجة حلوة تضيف للعمل وتغنى العمل لان هيشترك فيها تلاتة او اربعة لكن بشرط يقعدوا مع بعض وقت طويل يبقى عندهم مساحة كافية من الوقت انهم يناقشوا العمل و يناقشوا تفاصيله المختلفة، و مفيش مشهد كان ينطبق تماما على حياتى الشخصية، أما حكاية الشلن الفضة فقال: "دي حكاية من زمان فعلا كنت بقدم فى معهد الفنون المسرحية كان فيه لجنة فيها عدد ضخم من الاساتذة الكبار فانا داخل امتحن يقولولى محضر ايه محضر كذا اتفضل اجى اقول جملة يقولولى استوب و بعد كذا مرة فقالى رئيس اللجنة يا احمد انت  ناجح خلاص مش انت كنت عامل هاملت قولى جملة من هاملت قولها بصوت قرار غلبظ يعنى فقولتها طب قولها بصوت حاد فقولتها طب قولها بصوت متوسط فقولتها قالى تعالى و طلع من جيبه شلن فضة قالى خد ده عشان تفتكرنى بيه و فضلت معتز بالشلن الفضة ده و بفتكره فعلا بيه". 

واختتم برسالة للفنان توفيق عبد الحميد بعد اعلانه اعتزاله بعد مسلسله الأخير، عيد التفكير فى هذا الموضوع مرة اخيرة عشان خاطرى و عشان خاطر الناس اللى بتحبك و متحرمناش من انك تكون موجود معانا. 

اقرأ أيضا 

«الاختيار 3»| المخابرات تكشف لجان الإخوان الإلكترونية ومهندس فتح السجون