الجمعة، 15 أبريل 2022 - 11:02 م

قال الدكتور أشرف زكي نقيب الممثلين إنني غلطت لما وافقت على عودة حلا شيحة، ولو هي شايفة إن الفن حرام خلاص متتكلمش وفيه ناس اعتزلت في هدوء، ومفيش بعد شادية.

 وأضاف خلال لقائه ببرنامج "العرافة" المذاع على قناة "المحور": "محدش يقول الفن حرام علشان لما يرجع ميبقاش شكله وحش".

وتابع: "الفنانات المعتزلات بيظلوا أعضاء في نقابة المهن التمثيلية حسب رغبتهم، ولكننا مش هنقبل إن حد يقول الفن حرام وبعد شوية يرجع".

وأكمل: "مش إحنا اللى قاسيين على حلا شيحة هي اللى كانت قاسية علينا، وزمايلها لا يستحقوا منها ما فعلته ضدهم، ولو هي عايزة تنسحب برغبتها، ولكن تصرفها مع تامر حسني كان غريب ومينفعش تاخد الفلوس ومتكملش".