السبت، 16 أبريل 2022 - 06:06 م

قالت الفنانة مي فاروق، إنه وجود الفانوس في شهر رمضان شيء أساسي في المنزل.

وأضافت في مداخلة هاتفية لبرنامج "رمضان ويانا" على إذاعة "نغم إف إم": "بحضر يوميا الفطور والسحور.. وساعات بكبر وبنأكل أي حاجة في البيت".

وتابعت: "في ناس ممكن تطلع أوحش ما فيك، والشخصية المتنمرة بتكون شخص مش سوي أو من جواها ملخبطة، والأغاني اللي بعملها حاليا تجارية.. وبمجرد إنها اتسمعت ده في حد ذاته نجاح".

ونوهت: "مفيش فرصة إني أعمل ألبوم كامل، والشركات اللي عديت عليها ما كانش حد هينتج لي ألبوم، وأنا بعمل اللي عليا، ولما ربنا يريد حاجة تحصل بتحصل، وأجيال من سن أولادي، قالولي بنحب نسمع أم كلثوم منك".

وذكرت مي فاروق: "عدوية مطرب شعبي، وصوت متميز، وبيقدم غناء شعبي محترم، ولكن اللون الموجود الحالي مش غناء شعبي ومش غناء، والمهرجانات لون جديد وله قاعدة عريضة جدا، والأجيال الصغيرة رايحة للنوع ده ودة نجاح، ولكن رأيي الشخصي هما لا بيقدموا غناء ولا فن، وأنا بعتبره لون أو فكرة جديدة، ومقدرش أقول عليهم مطربين شعبيين".

واختتمت: "عملت من ٣ سنين عملية تكميم معدة، وأنا شخص مش بحب الرياضة.. كنت خايفة من العملية جدا، وعملت العملية.. والمعدة بقت تستحمل مساحة محددة.. أنا مبسوطة بنفسي في الوقت".