الأحد، 17 أبريل 2022 - 05:17 م

حل محمد فؤاد المهندس، نجل الفنان الراحل فؤاد المهندس، ضيفًا ببرنامج "ست الستات" من تقديم الإعلامية دينا رامز والمُذاع على فضائية "صدى البلد"، حيث كشف خلال حديثه عن ذكريات طفولته مع والده والراحلة شويكار.
 

وقال محمد: "قضيت معاه أجمل طفولة في الدنيا.. ودايمًا كنت أقوله الاستاذ وطفولتي كانت بتتميز بالحرية والانبساط وكان بيعملنا كل حاجة حلوة"، متابعًا:" كنت أنا وأخواتي دايمًا معاه هو طنط شوشو في كل حتة في البلاتوهات والمسارح وفي الخروجات بردو".
 

وتابع  نجل الفنان الراحل فؤاد المهندس :" لما اتفقوا على الجواز مع بعض وكنا احنا صغيرين حطوا اتفاق إن مش هنعمل حاجة من غير الولاد، فكان دايمًا لو كنا صيف ومفيش مدرسة دايمًا كانت فسحتنا في الاستديوهات والمسارح وربونا على الحرية اوي بس مع الاحترام ".
 

واستطرد محمد فؤاد المهندس، :" فؤاد المهندس ربى فينا تحمل المسئولية واننا نبقى رجالة"، مردفًا :" كنت أنا الوحيد في اخواتي اللي كنت بضرب منه "، معقبًا :" ايده كانت مرزبة".

اقرأ أيضا:بـ«الخرزانة».. علقة ساخنة لفؤاد المهندس من والدته