الإثنين، 18 أبريل 2022 - 08:03 م

خطفت الفنانة هنادي مهنا، الأنظار بقوة بدورها في أحداث مسلسل "مكتوب عليا"، بطولة النجم أكرم حسني، والذي يعرض ضمن سباق دراما رمضان 2022.

وألتقت "بوابة أخبار اليوم"، مع هنادي لإجراء حواراً صحفياً عن نجاحها في العمل وكشف كواليس العمل..

- بداية .. ما أبرز ردود الفعل التي تابعتيها على مسلسل "مكتوب عليا" منذ بدء عرضه ؟
الحمدلله تلقيت ردود فعل إيجابية و(الفيد باك) حلو جدا إلى الأن، ومبسوطة جدا بجد من العمل ككل، خاصة أنني تابعت مدى تقبل الجمهور للمسلسل والاشادة الكبيرة به وبجميع أبطاله، وهذا أمر أسعدني كثيرا، خاصة أنني كنت تخوفة جدا من تقدي عمل كوميدي في البداية.

- كيف تم الاستعداد لشخصية "سلمى" في أحداث المسلسل ؟
في الحقيقة لم يسعفني الوقت في تحضير الشخصية سواء في الشكل أو الأداء، لأني كنت أخر المنضمين لأبطال العمل تقريبا، ولكن الشكل والأداء منسوب الفضل فيهم للمخرج المبدع خالد الحلفاوي، وحقيقة ده شغل المخرج.

- لماذا اتجهتي للكوميديا هذا العام ؟
لم يكن اختياري أن أذهب للكوميديا، ولكن عندما تلقيت عرض من الشركة المنتجة وقرأت السيناريو والفكرة أعجبت بهما جدا، إضافة إلى أن العمل موجود به نخبة من النجوم وعلى رأسهم أكرم حسني، ومرورا بأيتن عامر وعمرو عبدالجليل، وباقي فريق العمل فجميعهم يمتلكوا روح الفكاهة ولديهم حس كوميدي، ولذلك قررت ان أخوض التجربة في الكوميديا.

- لماذا اكتفيتي هذا العام بمسلسل واحد فقط .. برغم تواجدك في السنوات الماضية في أكثر من مسلسل بالموسم الرمضاني ؟
لأن مسلسل "مكتوب عليا" أحلى حاجة أتعرضت عليا، ولم أجد عمل أخر يستاهل أن أقدمه، فقررت أن يكون تركيزي في هذا المسلسل فقط وتفرغت له، بالرغم من أنني تلقيت عدة عروض لأعمال أخرى، وبدون ذكر أسمائها لم أجد نفسي فيها، فقررت الاكتفاء بهذا العمل فقط، ولا أنكر أنني في حال وجود عملين مميزين في نفس التوقيت لن أتوانى في تقديمهما (مستحيل أرفض عمل حلو حتى لو هتعب وهقدم مسلسلين في وقت واحد).

- وما رأيك في التعاون مع أكرم حسني ؟
أكرم حسني نجم وموهوب ودمه خفيف، بخلاف كونه ملتزم جدا ورائع في كل التفاصيل، وحقيقة اتبسطت بالعمل معه، فهو انسان حقيقي وشخص عظيم والتجربة بأكملها عظيمة ومميزة وأضافت لي كثيرا، وقدمتني في شكل مختلف تماما لم يشاهدني به الجمهور من قبل، وشخصية "سلمى" بها تحدي كبير مع نفسي أولا، وأفكر في إعادة تجربة الكوميديا مره أخرى وأتمنى وجود ورق حلو يجذبني لهذه المنطقة ومع فريق عمل مريح ومميز مثلما حدث في "مكتوب عليا".

- شاهدتك في كواليس المسلسل تقومي بمساعدة الخرج خالد الحلفاوي أحيانا .. وتقومي بتعليم الموديلز بعض الاستعراضات .. هل تفكري في الاتجاه للإخراج ؟
بشكل شخصي أحب أن أتعلم أمور جديدة طوال الوقت، وتحديدا الأمور المتعلقة بالمهنة، وارغب في تعلم المونتاج والإخراج، أما بالنسبة للاستعراضات، بالطبع اتنى تقديمها في عمل فني، ولكن يجب أن تكون معمولة بشكل مميز وجديد، وبشكل عام أحب كل الأور التي تحتوي على شغل كتير ومجهود.

بحب جدا اتعلم طول الوقت حاجات جديدة وممكن اتعلم اخراج واتعلم كل اجة ليها علاقة بالشغلانة وممكن مونتاج كمان وممكن اقدم استعراضات وحسب معمولة ازاي ومين بيعملها وبحب الحاجات اللي فيها شغل كتير ومجهود

- تراجيدي وكوميدي ؟
الكوميديا طبعا والاتنين ليهم شغلهم لكن الكوميديا صعوبتها من انك ممكن تطلع دمك تقيل اوي مع الجمهور ومش مقبول فيها وممكن تعدي ومفيش في النص الكوميديا صعبة علشان الناس لما بتشوف طول الوقت مستنيين انك لازم تضحكهم مع ان الاصل ان مش لازم كل الضخصيات تضحك سعني سلمى مش لازم تضحك اللي بيضحك جلجل وهو فسه اللي بيضحكها هي والناس بتبقى توقعة ان كل الناس لاز تضحك وده صعب جدا وبتشيل مسؤليتك على اكتافك ان الناس لازم على الاقل تتقبلك والصعوبة انك تبقى حقيقي وكنت بضحك من قلبي بجد في المشاهد وممكن شخصيات تعدي في ادوار عادية لكن في الكوميدي مستحيل تعدي

- علاقتك بالفنانة أيتن عامر ؟
ايتن عامر خطيرة وبجد موهوبة ومن اكتر الناس اللي بتضحكني في اللوكيشن هي وكمان اسماعيل فرغلي وفعلا بقع من الضحك عليهم شخصيات جاميلة جدا كل حلقة وايتن شاطرة اوي في الكوميدي وعندها سرعة بديهة وبتضحك وتعيط في نفس الوقت وتمكنة جدا ودمها خفيف ومفيش حد يقدر يعمل دور روقيه زيها فعلا ولما بتفرج عليها في الكواليس فعلا بضحك.

- ما هي خطتك المستقبلية لمشوارك الفني ؟
مهما خطتنا مش هيحصل غير اللي مكتوب وبتمنى وبدعي ربنا يرزقني بحاجات حلوه واللي جاي يكون احسن واتعامل مع شركة انتاج وعندي طموح في حاجات لكن شايفه ان لسه قدامي وقت.

- هل بتلجئي لزوجك أحمد خالد صالح في أدوارك ؟
طبعا باخد رأيه في الورق اللي مش قادره احكم عليه وبعرف منه اجات عن شركات انتاج وناس هو اشتغل معاهم قبل كده وانا لأ وباخد رأيه وهو كمان بياخد رأيي ونشوف وطبعا اكتر حد باخد رأيه هو ايهاب ايوب مدير اعمالي وبيفهموا جدا واكتر حد بلجأ له 

- ما رأيك في السوشيال ميديا ؟
مميزاتها وعيوبها واكيد لما الناس بتقولك حاجات حلوه بتتبسط ونفسك تسمع رأي الناس كوس في شغلك وبتأثر وفي حاجات بتضايق لأننا بني ادمين 
وباتخد طبعا من الشارع انطباعاتي وبتشوف الناس في الحقيقة وبتعرف ح ولا غلط وبتشوف الناس الصدق في عنيهم ومش مضطرين واكتر بتفرح

- هل ستخوضي تجربة الغناء ؟
بفكر بشكل جدي من زمان ونفسي اعملها ودي الحاجة اللي كنت عايزة اعملها زمان وحلم مؤجل وبدأت فعلا واشوف اللون اللي عايزه اعمله فعلا.

- ما هي أعمالك الجديدة ؟

فيلم "ليلة العيد" سيطرح في العيد المقبل، بطولة يسرا ويسرا اللوزي وعبير صبري وسميحة ايوب وريهام عبدالغفور واحمد خالد وسيد رجب ومن نوع اليوم الواحد مثل كباريه سامح عبدالعزيز احمد السبكي وتأليف احمد عبداالله وبغني في الفيلم في بعض المشاهد.