الثلاثاء، 19 أبريل 2022 - 08:54 م

أكد الفنان كريم فهمي، أن رمضان صبحي كان بالنسبة للنادي الأهلي مستقبل ومشروع، قائلا: "رمضان كان يُجهز عشان يبقى رمز وأسطورة للأهلي، وجماهير الأهلي على قد حبها لرمضان صبحي على قد زعلها منه وكنت أتمنى له يفضل في الأهلي".

ورد الفنان كريم فهمي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، على موقفه حال وضعه مكان رمضان صبحي وتلقيه عرض بيراميدز قائلا: "أنا بحب رمضان صبحي شخصيا جدا وهو لاعب كرة قوي جدا ولكن أنا موفقش أسيب الأهلي وده نادي كيان كبير اسمه الأهلي، وأنا لو بلعب كرة وجالي عرض من بيراميدز مستحيل اقبل".

وتابع: "أنا في أحسن نادي فى افريقيا ازاي اعمل كده، وأنا تفكيري غير تفكير أي حد والفلوس هتيجي قدام، وأنا ممكن اعتذر عن افلام أو مسلسلات فيها أرقام كويسة عشان احافظ على صورتي، والاهلي نادي القرن وازاي ابقى فى الاهلي واروح نادي اصغر".