الجمعة، 22 أبريل 2022 - 02:48 م

اشتهرت الإعلامية سالي عبد السلام بجمال شعرها، لكثافته وطوله المثالي، الذي تتمناه أي فتاة في مثل عمرها، ولكن «الحلو ميكملش»، فقد أصيبت بمرض الثعلبة.

نشرت عبد السلام صورة لها على صفحتها الرسمية على موقع التواصل الاجتماعي «فيسبوك»، موضحة بها ما حدث لها وهو كالآتي: "أنا فى الابتلاء ده من 2017.. آخر مرة جتلى الثعلبة فى شعرى ومشيت وقالولى مش هتيجى تانى كان من سنتين نفس الشهر ده بالظبط أبريل 2020 عند الناس بتيجى بالواحدة.. أنا حتى فى دى ربنا بيختبرنى بزيادة.. سبحانك يا رب".

وأضافت في منشورها: "يبتليك الله ويختبرك فى أكتر حاجة بتحبها أو كانت مميزة زمان والناس فاكرة أنها زى ما هي والناس كلها بتمدحها وكانت حلوة زمان ويختبرك!!!!…".

وتابعت: "الرضا من عندك يارب عشان بدأ يروح منى سامحنى وأعفو عنى ومعنديش لا قوة ولا طاقة ولا قادرة أصبر وأبدأ من جديد العذاب ده …".

وأوضحت: "كان لازم اروح الفطار مع الولاد فى الدار ملهمش ذنب وانا وعدتهم قبل ما اسمع الخبر وابقى مضطرة انبسط واجبر بخواطر وخاطرى مكسور..".

وقالت سالي: "رجعت اكتر حاجة بتوجع فى الدنيا حقن الكورتيزون فى الراس!  7 حقن فى عضم الراس 10 شكات "70 شكة" والدموع بتقع منى غصب عنى والله مع انى عمرى ما بعرف اعيط قدام حد".

وأخيراً وجهت عبد السلام رسالة لمتابعيها: "ادعوا لى يعفو عنى وماخدش كورتيزون كورسات كاملة تانى و اتبهدل تانى وابدأ من اول وجديد تانى و الوجع تانى.. اللهم انك عفو كريم تحب العفو فاعف عنا… اللهم أجرنى فى مصيبتى واخلف لى خيراً منها".