الإثنين، 25 أبريل 2022 - 05:17 م

قال الفنان محمد التاجي ان من أول ما قرأت اسكريبت مسلسل "فاتن أمل حربي".. شفت عزيز بيه الأليط الشخصية الكاريكاتيرية.. ووافقت عليه علي طول، رغم إن في ورق بياخد مني وقت، أنا حابب شخصية بابا شفيع.. وكنت مندمج وقعدت أظبط لها هدومها، وعملت له خاتم مخصوص رغم عدم حبي للبس الخواتم، والوشاح والعصاية، كل الإكسسوار، جاء ذلك خلال برنامج "رمضان ويانا " علي نغم إف إم.

و أضاف أنا تعاملت مع نيللي كريم في الفوازير مع التلفزيون المصري، وتقابلنا المرة التانية في فاتن أمل حربي، و أنا وهالة صدقي إتقابلنا في زيزينيا ولكن لم نتقابل في المشاهد.

و عن العلاقات الإنسانية وراء الكاميرا فبتبان قدام الكاميرا و فيروز والأحفاد حسيتهم أحفادي، و سعيد جدا بالعمل، والشخصية هتفاجئكم،  وهتزعلوا عليه.

وكل ستات مصر بتكتب نفسنا يبقي عندنا بابا شفيع علي السوشيال ميديا، و عاجبني في الشخصية الغموض، ليه بيعمل كدة مع الست دي، وليه ظهر في الوقت ده ليها.

واختتم قائلا جاءني رد فعل فظيع من الناس لما ضربت سيف "شريف سلامة" أمام المحكمة.