الثلاثاء، 10 مايو 2022 - 08:15 م

علق الشيخ خالد الجندي، الداعية الإسلامي، وعضو المجلس الأعلى للشؤون الإسلامية، على انتقاد البعض للقارئ الشيخ محمد الطاروطي بسبب خطأه في القرآن الكريم أثناء صلاة الفجر.

اقرأ أيضا| نقيب القراء: التحقيق مع «الطاروطي» 28 مايو الجاري

 وتعجب "الجندي"، خلال تقديم برنامجه "لعلهم يفقهون"، المذاع على فضائية "DMC" اليوم الثلاثاء، من ردود الفعل السلبية، قائلًا: "ومين فينا مش بينسى، ده النبي، صلى الله عليه وسلم، كان ينسى".

وتابع: "ليه كل ده الدنيا مقلوبة علشان الراجل غلط فى آية في إذاعة القرآن الكريم أثناء صلاة الفجر، وخرج للناس واعتذر وقال القرآن غالب وغير مغلوب".

واستكمل: "خدوا بالكم إحنا مش بنتكلم على فكر، عشان محدش يقول بتهاجم السلفيين، وده خطأ في القرآن ومش بيهاجمه، لا إحنا بنتكلم عن حفظ".