حمدي رزق
حمدي رزق


فيض الخاطر

الاختين الحلوين «علياء وفريدة»

حمدي رزق

الإثنين، 23 مايو 2022 - 06:20 م

 

هزتنى من الأعماق هذه الرسالة الإلكترونية، وتيقنت من صحتها، وتفاعلت حزنا معها ، الرسالة تناشد الكرماء بالتبرع ببعض ما أَفَاءَ الله عليهم لإنقاذ الطفلتين، الأختين الحلوين « علياء وفريدة « .

ونص الرسالة بالعامية : « اعتبرهم بناتك وبيستغيثوا بيك وشوف هتعمل معاهم إيه. ابدأ بنفسك واعمل اللى عليك وسيب الباقى على ربنا.
كل الناس دلوقتى تقدر تتبرع لعلياء وفريدة. ما قدامناش وقت ومرضهم هو ضمور العضلات الشوكي. يا نلحق يا مانلحقش .

ده اختبار لينا كلنا.. اختبار للرحمة والخير اللى فى قلوبنا، لو انت فى إيدك تساعد ليه تتأخر؟، المبلغ يبان كبير ٨٠مليون جنيه، إيه يعنى إحنا ١٠٠ مليون مصرى نقدر نعمل كتير أوى، المبلغ مش كبير علينا، ومش كبير على ربنا، محدش يستصغر أى مبلغ ممكن يتبرع بيه، المبلغ ده إحنا فى أشد الحاجة ليه.
أهم حاجة السرعة، اتبرع دلوقتى، ماتتأخرش ولا دقيقة، اللحظة اللى إحنا فيها دى كانت تبان بعيييدة أوى. وحلمنا بيها كتير أوى ودعينا ربنا كتير أوى.
قبل اللحظة دى مكناش عارفين نعمل إيه وأيدينا كانت متكتفة ومش قادرين نساعدهم، اللحظة دى فارقة فى حياة «علياء وفريدة» ممكن تكون سبب نجاتهما من الموت (بعد الشر) وإنهما يعيشا حياة طبيعية. ممكن دلوقتى التبرع فى البنوك أو عن طريق فورى..» ( ومنشور أرقام الحسابات على البنوك المصرية ).
صورة علياء وفريدة تقطع القلب، أصيبتا بمرض نادر» ضمور العضلات الشوكى»، لحظتها تذكرت عطفة الرئيس السيسي الله يكرمه، ووعده بتحمل الدولة تكلفة علاج مرض الضمور العضلى للأطفال حديثى الولادة، والتى تبلغ ٣ملايين دولار لكل طفل، وما صرح به الرئيس سابقا، يشى بالأمل، قال سيادته: تحركت الدولة ووقعت اتفاقا مع عدة شركات عالمية متخصصة لعلاج هذا المرض..

ويقينى أن السيد الرئيس لن يتأخر عن علاج علياء وفريدة، وسيادته يعلم حجم المعاناة، والإيد قصيرة والعين بصيرة والتكلفة فوق الطاقة ..
ضمور العضلات، حالة طبية تصيب العضلات، تسبب فقدان النسيج العضلي بالتدريج، وتبدأ العضلات فى التآكل والانكماش.، ومن أعراض الضمور صعوبة المشى وحتى النهوض أو الجلوس، وتيبس العضلات، وتأخر النمو.

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة