السبت، 28 مايو 2022 - 06:36 م

تحدثت الفنانة بشرى عن علاقتها بمحمد رمضان وحقيقة الخلافات بينهما، خاصة بعدما انتقدت أحدث أغانيه "بلالين".

قالت بشرى، خلال لقائها في برنامج "ET بالعربي"،: "مافيش أزمات بيني وبين رمضان، هو عالم الراب كده في أخذ وعطاء وشد وجذب طول الوقت، إنما الصداقة في الحياة موجودة، وأنا أعلنت قريب إن محمد رمضان كان هيشهد على زواجي، لكنه كان مرتبط بحفلة خارج مصر، الفن حاجة والصداقة اللي بيننا حاجة تانية".

وتابعت بشرى،: مش لازم تبقى الخناقة قدام الشاشة هي هي تبقى وراء الكاميرا، دايمًا بقول لمحمد رمضان خف علينا كل مرة تطلع تزعق فينا وتقول يا منفوخين يا بلالين وأنا ملك ومين فيكم مشترك، فقلت له يخف علينا شوية، أنا عايزة محمد رمضان يطلع يدلعنا ويغني للحياة والحب وينسى الناس الوحشة في الوسط ويغني بقى للناس الحلوة.

كانت بشرى علقت عن أغنية "بلالين" قائلة: "أنا مش فاهمة رمضان عايز يقول إيه في الأغنية، وسمعت جملتين بلالين وطايرين، إذا كان يراهم فقاعات فهي وجهة نظره، وتعودنا من محمد رمضان توجيه رسائل من خلال أعماله، وهو خلق لنفسه شكل وحالة بدأ الناس يتعودون عليها وفرض نفسه على الساحة، "ولو ضايقني هنزل له بأغنية".

يذكر أن، بشرى ومحمد رمضان سبق وتوترت علاقتهما بعد طرحها أغنية "كوبرا" للرد على أغانيه "نمبر وان" و"الملك"، ولكن سرعان ما أعلنا الصلح في حفل أقامه رجل الأعمال نجيب ساويرس على هامش مهرجان كان في 2019,