الخميس، 09 يونيو 2022 - 04:31 م

روى الدكتور حسام موافي، الأستاذ بكلية طب قصر العيني، عن قصة حدثت له أثناء أدائه مناسك الحج، قائلاً:" أنا كنت بحج وسخنت، وداخل صيدلية، لقيت الصيدلي بيقولي حضرتك الدكتور حسام موافي، قولتله أه، قعد يقولي أنا اتعلمت منك كل حاجه، أنت راجل فظيع،  قولتله متشكر جداً، قولتله أديني الدواء كذا عشان زوري، قالي حضرتك معاك روشته، قالتله لا، قالي أنا متأسف، قولتله أنا برفعلك القبعة".

وأضاف حسام موافي أثناء استضافته مع برنامج "صباحك مصري" المذاع على فضائية "أم بي سي مصر" ، أن سبب ٥٠% من مرض الفشل الكلوي ، هي الأدوية الخطأ، قائلاً:" كل ١٠٠ واحد بيغسل كلى، في ٥٠ واخدين أدوية مبوظة الكلى".

وأوضح الأستاذ بكلية طب قصر العيني، قائلاً:" تخيل لو عملنا كنترول على الأدوية، هتريح مصر من ٥٠% من إلي بيغسلوا، الواحد بيتكلف قد كده، و الدولة واخده قرار أنها تغسل الكلى على نفقتها".

وتابع:"أنا صوتي أتنبح، هتقولي إزاي، أقفل ٣ صيدليات عشان باعوا دواء من غير روشته، أعمل رقابة شديدة، الباقي كله هيلتزم"

أقرا ايضا  |            حسام موافي: لجنة التحكيم طردتني من التمثيل