الجمعة، 10 يونيو 2022 - 10:26 م

علق الإعلامي عمرو أديب على مباراة مصر وإثيوبيا، قائلاً: "حالة من الحزن والألم بسبب مباراة الهزيمة المذلة لمنتخب مصر من إثيوبيا والانتكاسة التي حدثت في المباراة".

وأضاف خلال برنامج "الحكاية" المذاع على قناة "إم بي سي مصر": "بعد هزيمة إثيوبيا نكتشف أمرين، الأول أن الفرحة عند إثيوبيا دوبل، الأمر الثاني اكتشفنا أننا لم يكن عندنا حافز إضافي لتحقيق الفوز" في إشارة منه لأزمة مصر مع إثيوبيا بشأن سد النهضة.

وتابع: "جايبين مدرب ما عندوش سي في يدرب منتخب مصر وامبارح قلت لنفسي ليه مشينا حسام البدري وهو كسبان ومشينا كيروش ليه وهو في نهائي بطولة أفريقيا؟".

ولفت: "إيه اللي جرى في الكرة المصرية، منظومة كلها ضايعة، اتحاد كرة ضايع، منتخب ضايع، جمهور ضايع، إعلام ضايع، كلنا ضايعين، عايز النتيجة تبقى عاملة ايه في النهاية بعد اللي بيجري ده كله".

وأشار: "لعيبة منتخب مصر امبارح بعيد عن المهارة والتسليم والتسلم مفيش حافز محدش عايز حاجة ومحدش بيفكر في حاجة، إثيوبيا نخسر منها؟ ده كلام، إثيوبيا مكنتش البرازيل احنا اللي كنا البراجيل".

أقرا ايضا | ضياء رشوان : الحوار الوطنى هو الأول الذى يصدر له دعوى رئاسية منذ عام 1952