الثلاثاء، 21 يونيو 2022 - 12:50 م

طل الفنان سعد الصغير، في فيديو مباشر عبر صفحته بموقع "فيسبوك"، للحديث عن واقعة قتل فتاة المنصورة نيرة أشرف وتقديم نصائحه للشباب.

قال الصغير: "سر الكرم اللي بعيش فيه هو المتاجرة مع الله، وتاجروا مع ربنا بأعمال الخير والتبرعات وهيكرمكم، وأضاف : أنا مش بعرف أرقص ولا أغني لكن ربنا بيكرمني علشان بتاجر معاه".

وعن واقعة قتل فتاة المنصورة، قال سعد الصغير: "عمر ما حد بيحب حد يموته، الولد ده أكيد كان شارب حاجة، وأنا لو هحاكمه مش هيكفيني فيه إعدام، محدش يقنعني إن الراجل ده كان في وعيه، لو هي قالت له مش عاوزاك يسألها ليه ولو فيه عيوب يصلحها".

وتابع: أنا والله العظيم بروح أفراح بيفرقوا أكياس أي حاجة تتخيلوها في الدنيا وباخدها أرميها، تموّت عروسة كده لو بنتي وهيتشنق مليون مرة ناري مش هتبرد.

وأضاف: أكيد كان شارب لو مش شارب هياخد ويدي معاها، ولكل أم راقبي ابنك كتفيه ووديه للمصحة، أنا في الأفلام بمثل الحاجات دي وليا أصحابي بيشربوا الحاجات دي وبزعل عليهم ووشهم بيبقى معضم، ما حدش بيموت حد غير لما يكون واخد حاجة، حسبي الله ونعم الوكيل، وبعد ما يفوق هيقول ياريت اللي جرا ما كان.