محمد الشرنوبي
محمد الشرنوبي


محمد الشرنوبي في أزمة جديدة ومطالب بدفع 1.5 مليون جنيه مصري

هشام خالد السيوفي

الثلاثاء، 05 يوليه 2022 - 11:38 ص

 

كشف ياسر قنطوش محامي المنتجة سارة الطباخ، عن الإجراءات الجديدة التي سيتخذها ضد الفنان محمد الشرنوبي.

وقال قنطوش، خلال لقائه مع برنامج ET بالعربي، إن الشرنوبي مطالب بدفع مبلغ 1.5 مليون جنيه كمصاريف قضائية.

وأكد قنطوش، أن محمد الشرنوبي سيكون مطالبا برد مبالغ طائلة، موضحا: "هو هيسدد إيه ولا إيه؟ المحكمة هتعمل مطالبة وهتنفذ عليه وعلى بيته" مشيرا إلى اعتزام سارة الطباخ الحصول على حقها من كل عمل فني قدمه الشرنوبي خلال السنوات الماضية.

وأردف محامي سارة الطباخ أنه اتخذ إجراءات قانونية لمنع إصدار تصاريح العمل من النقابات لمحمد الشرنوبي، وقال: "اللي بيحصل ده مش صح، يلتزم بعقده ويدي كل واحد حقه، وبعدين هي الناس عنده مراحل؟ أنتم مش ملاحظين أن كل أسبوعين في مرحلة؟ سارة كانت مرحلة وخلصت؟".

وتابع أن سارة الطباخ أعدت حملة دعاية تكلفت 12 مليون جنيه بعد تعاقدها مع الشرنوبي، قائلا: "مين كان يعرف محمد الشرنوبي قبل ما تنتج له سارة الطباخ؟".

وسخر ياسر قنطوش من موقف محمد الشرنوبي في القضية قائلا: "فكرني بالفيلم بتاع اللمبي لما دخل السجن وتاني يوم قال أنا حر، أنا مش فاهم هو إزاي ده، القانون واضح وأنا لما يبقى عندي موكل، لازم أكون أمين معاه وأقول له الحقيقة، ماضحكش على الرجل وأقول له أنت كسبت القضية، لازم اقرأ له الحكم صح".

اقرأ المزيد.. سارة الطباخ ترد علي تصريحات محمد الشرنوبي

ونشر محمد الشرنوبي عبر حسابه على "تويتر"، قبل أيام، صورة من دفتر يوميات جلسات القضايا المدنية والتجارية في محكمة الاستئناف عن يوم 24 مايو الماضي، وظهر به الدعوى التي رفعها ضد سارة الطباخ. وأوضح دفتر اليوميات أن قرار المحكمة كان "إلغاء وانتهاء العقد 1/9/2017".

وعلق الشرنوبي، قائلا: "ده آخر رد.. والموضوع اتقفل، نشتغل بقى شوية"، قبل ان يعيد نشر فيديو تصريحاته لبرنامج "عرب وود" حول القضية.

وقال محمد الشرنوبي: "الحكم موجود وواضح وصريح، بانتهاء وانقضاء العقد، مفيش حاجة صريحة أكتر من كده".

واضاف: "ده منطوق الحكم، مانقدرش نحور أي حاجة، كل الحاجات اللي طالعة غير المنطوق كانت مكتوبة من جوه العقد، إنما في الآخر خالص مكتوب الحكم انتهاء العقد المؤرخ في 1/9/2017".

وأكد محمد الشرنوبي أن القضية انتهت بالنسبة له موضحا: "أنا خلاص قفلت الموضوع ده، ومكنتش محتاج أرد، ومش كل ما يطلع بيان هرد عليه، اللي عايز يتكلم يتكلم، وأنا ممكن أطلع بيان أقول اللي أنا عايزه".

الكلمات الدالة

مشاركه الخبر :

 
 
 
 
 
 
 
 
 

 
 
 

 
 
 

مشاركة