الأحد، 17 يوليه 2022 - 04:01 م

هاجر عودة

أقام «خالد» 32 عامًا، دعوى نشوز ضد زوجته في محكمة الأسرة.

يحكي خالد من محكمة أسرة زنانيري: "متجوز من سنتين وكنت ماضي علي قايمة بـ500 ألف جنيه، أهل مراتي كروتوني ومضوني عليها في الزحمة ومحدش كان مفهمني خطورة المبلغ ده لو حصل خلاف".
ويستكمل خالد: "بعد سنة ونص جواز لقيت احوالها بتتغير وبتغلط في امي بالفاظ مش كويسة، وأنا عمري ماغلطت فيها، ورغم أنها عايشة في مكان بعيد عن اهلي لقتها بتتكبر علي اختي الصغيرة، ومناخيرها دايماً في السما بعد اما أخدت عربيتي، وفي خلاف عابر زي اي خلاف بيحصل في كل البيوت اتعصبت وقولتلها لو حصل وشتمتي بالالفاظ دي تاني هطلقك، ردت عليا بكل برود عشان اخد 500 الف جنيه والشقة وارميك في الزريبة اللي مامتك قاعدة فيها".

ويستكمل خالد: "الجملة دي صدمتني وتمالكت أعصابي لما عرفت نيتها، وقررت العب معاها بطريقة الكبار، روحت لأهلها وشرحت اللي حصل منها ونصفوها عليا كالعادة، وساعتها قررت اني لازم اطلقها". 

وتابع: "حاولت الطف الجو واتعامل معاها بحنيه، وقولتلها هغيرلك عربيتك بكره الصبح، طارت من الفرحة، وغيرتها بس هي لاسف متغيرتش، ورغم كل ده مقدرتش اطلاقها عشان ابني ميتعذيش ورفعت قضية نشوز".

اقرأ أيضا

 زوج في دعوى نشوز: «قالتلي رايحة عند أمها ولقتها بترقص في فرح صاحبي»