الإثنين، 08 أغسطس 2022 - 10:47 م

كشفت أرملة السيناريست الراحل، أسامة أنور عكاشة، الفنانة عبير منير، سبب حبها الشديد لزوجها الراحل، وكيف كان يعبر لها عن حبه.

وقالت منير، خلال استضافتها ببرنامج "الستات"، المذاع على قناة النهار للإعلامية مفيدة شيحة: "أنا اتجوزته آخر 4 سنين في حياته، كانت تجربة عظيمة، أسامة كان متفرد في كل حاجة، بتتاخد منه الإنسانية، رومانسي وشاعري، وإدالي حاجات كتير جدا، السند، الضهر، الحكمة".

وأضافت: "كان دليلي وموسوعتي في الحياة، كان محترم وعاقل جدًا، راقي أوي في تصرفاته، دايما يقول أنا قلمي عمره ما هيتكسر".

وتابعت: "حبيته عشان احترامه ومبادئه، كان راجل بكل الأشكال، وكان بيدلعني جدا فوق ما حد يتصور، في مرة كان بيعمل حوار في الإذاعة في عيد الحب، قالي أنتي سمعتي الحديث، قولتله مركزتش أوي، قولتله عشان كنت عايزه أبوس صوتك".

وتحدثت أرملة السيناريست الراحل، أسامة أنور عكاشة، الفنانة عبير منير، عن علاقتها بزوجها، ولماذا رفضت الزواج في البداية.

وقالت عبير منير، أن "أسامة لديه أعمال كثيرة وفي ناس عايزه تعملها وتحولها لأعمال واقعية، زي مسلسل راجعين يا هوى، كنت متخوفة أوي لما عرضت عليا شركة أروما".

وأضافت: "مكنتش حابه فكرة الجواز، قولتله خلينا أصدقاء، بعد حب 3 سنين، قالي لأ لازم نتجوز، وأنا وافقت، لكن قولتله الورقة دي عشان خاطر ربنا وأنت كمان تكون مقتنع".

وواصلت: "أنا كنت شايفه أن الجواز صك عبودية، بيقول ده حقي أنتي مراتي، وهي كمان، فممكن يحصل مشكلة خاصة مع دخول الماديات".

إقرأ أيضاً .. قصة « خارج الدنيا ».. أسامة أنور عكاشة يبدأ عالمه الدرامى الممتد