القائمة

البحث

إصداراتنا

رئيس مجلس الإدارة : أحمد جلال - رئيس التحرير : جمال الشناوي
ترشيد استخدام الكهرباء
ترشيد استخدام الكهرباء

أحمد موسى يناشد بترشيد استخدام الكهرباء: «بلاش فرح العمدة في المنازل» .. فيديو

محمد البنهاوي

2022-08-17T11:13:56+02:00

ناشد الإعلامي أحمد موسى، المواطنين بالحرص على ترشيد استخدام الكهرباء في المنازل.

كما تساءل موسى خلال برنامج «على مسئوليتي» على قناة صدى البلد «هل صح إن فيه ناس تشغل 3 أو 4 تكييفات، الفترة دي الناس محتاجة توفر شوية، على الكل، أنا بتكلم بشكل عام، بقول لحضرتك وفر شوية كهرباء، وكمان متضغطش على كهرباء بيتك»، مردفا «فيه ناس ربنا كارمها وبيبقى عندها في كل أوضة تلفزيون، هل محتاج تشغل كل دول ولا واحد كفاية، ليه كل واحد قاعد ي مكان يتفرج لوحده، ليه نفتح 5 أو 6 أجهزة تلفزيون في بيت واحد، ليه نشغل سخان في فصل الصيف والدنيا نار، نوفره لغاية الشتاء ما يجي».

وواصل «البعض بيستخدم غلاية مياه استسهال، ما تستخدم الغاز بدل الكهرباء، رجاء كل واحد في بيته يرشد الكهرباء، بلاش ننور كل البيت، بلاش فرح العمدة في البيوت»، مردفا «توفر فاتورة بدل ما بتجيلك أد كده، توفر شوية، رجاء على كل واحد فينا يرشد في استخدام الكهرباء، مش عايز يبقى عندي الأحمال الزيادة على شقتي واللي جنبي، الدولة بالمناسبة تحدثت عن الترشيد في المؤسسات، محدش اتكلم عن المنازل، أنا بتكلم النهاردة لأن الحمل الزايد في البيوت هيأدي إلى حرائق».

وناشد المواطنين بمراجعة وصلات الكهرباء بشكل دوري، قائلا «أنصح حضراتكم، حتى لا نتعرض لأي مشكلة في بيوتنا، قللوا الاستخدام، بلاش الحمل الزايد، استخدم تكييف واحد واضبطه على درجة معينة، كل ما عملت دهب تقلل الاستخدام والضغط على شبكة الكهرباء اللي في بيتي».

ولفت موسى إلى أن الجفاف وتغير المناخ يضرب العالم معلقاً «محدش عارف اللي جاي شكله إيه».

إقرأ أيضاً .. مرصد الكهرباء: 16 ألف و850 ميجاوات زيادة احتياطية في الإنتاج اليوم

 

رابط مختصر
https://m.akhbarelyom/s/3853651

 

Advertisements

الكلمات الدالة

مشاركه الخبر :

Advertisements

 



 

 




 

مشاركة