الإثنين، 22 أغسطس 2022 - 05:56 م

كتب: هاجرعودة

"اللي تتغير محبته تتغير مخدته".. تحكي "نرمين. ت"، متزوجة من "جمال.ع": "عندي 3 ولاد وبنت، سمعت حماتي بتقول المثل ده لجوزي، وأنا زي أي ست كنت بعمل اللي يرضيها، عشان مكنش مطلقة واتشرد بالأولاد، كنت دايما بسمع عن كيد الحموات بس أول مرة أشوفه". 

وأضافت: "متجوزة بقالي 12 سنة، وعشان حماتي كانت دايما شايفه بنت اختها لجوزي، شكلت كل المشاكل عشان اطلق، وبعد كده اكتشفت أنه علي علاقة بمرات صاحبه، وهددته أني هقول لصاحبه وصممت اني همشي واسيب البيت، لكنه ضربني وطلقني ومضاني علي تنازل بكل مستحقاتي وعلي إيصال أمانة ب 300 ألف جنيه عشان ماروحش اشتكي". 

وتستكمل: "لما روحت اشتكيت وعملت محضر تعدى بالضرب وامضاء بالإكراه، هددنى بالتنازل يا هيحبسنى، وقبل ميعاد الجلسه بأسبوع، اتفاجئت أن فيه شخص اشتكانى بإيصال أمانه ب 300 ألف جنيه".

واختتمت: "اكتشفت أن طليقي وحماتي، السبب في بيع وصل الأمانة لشخص عشان يهددوني بيه، وحصلت علي البراءة في القضية، وخاصة أنني رفعت دعوي بالإمضاء علي ورقة بيضاء".

عقوبة النصب

وتنص المادة 339 على أن "كل من انتهز فرصة ضعف أو هوى نفس شخص وأقرضه نقودا بأي طريقة كانت بفائدة تزيد عن الحد الأقصى المقرر للفوائد الممكن الاتفاق عليها قانونا يعاقب بغرامة لا تزيد على مائتي جنيه، فإذا ارتكب المقرض جريمة مماثلة للجريمة الأولى في الخمس السنوات التالية للحكم الأول تكون العقوبة الحبس لمدة لا تتجاوز سنتين وغرامة لا تتجاوز خمسمائة جنيه أو إحدى هاتين العقوبتين فقط، وكل من اعتاد على إقراض نقود بأي طريقة كانت بفائدة تزيد عن الحد الأقصى للفائدة الممكن الاتفاق عليها قانوناً يعاقب بالعقوبات المقررة بالفقرة السابقة"

اقرأ أيضا| زوجة ترفع قضية خلع ..والسبب عجيب