الأربعاء، 24 أغسطس 2022 - 09:43 م

عبرت الفنانة إنجي وجدان، عن استياءها بسبب التعليقات السلبية المتكررة حول زيادة وزن الفنانة شيرين عبد الوهاب في الفترة الأخيرة.

ونشرت إنجي وجدان عبر حسابها على موقع التواصل الاجتماعي "إنستجرام" مقطع فيديو قالت فيه: "بقالي كام يوم متابعة الكلام اللي بيتكتب ويتقال على شيرين عبد الوهاب، من فضلكم موضوع التنمر بقى كتير أوي وجارح".

وأضافت وجدان: "شيرين شخصية قوية جدا، لكن طبيعي بعد الظروف اللي مرت بيها لازم يبقى في مشاكل، وهي مرت بحاجات مش سهلة 90% من الستات في مصر بيمروا بحاجات شبهها".

وتابعت إنجي وجدان: "أنا مش محامية الناس التخان أو اللي بيخسوا، لكن الستات طول الوقت تحت ضغط مرعب، لازم تبقى واخدة بالها من شكلها وشعرها ومكياجها ولبسها، وتاخد بالها من عيالها وجوزها عشان مايخونهاش أو يتجوز واحدة تانية، والموضوع بقى مرهق ذهنيا وجسمانيا".

ووجهت إنجي وجدان رسالة لشيرين قالت فيها: "إنت بتعملي حاجة ناس كتير مش قادرة تعملها ومنهم أنا. أنا عندي اكتئاب وواخدة وقتي عشان أرجع وأقوم نفسي، وطز في أي حد مش عاجبه شكلك".