الثلاثاء، 30 أغسطس 2022 - 09:10 ص

تحدثت الفنانة جلا هشام ، عن موقف محرج تعرضت له في بدايتها الفنية وتسبب في حرمانها من الطعام  لمدة 3 أيام.

اقرأ أيضا| جلا هشام تكشف تفاصيل دورها في «راجعين يا هوا» 

وأوضحت " جلا هشام " ، خلال لقائها ،  ببرنامج "مساء DMC" المذاع عبر فضائية "DMC": "كنت بصوّر مسلسل، وبأتكسف أطلب، فكنت بأجيب أكلي عشان مطلبش حاجة من حد، وكنا بنصور في منطقة الحزام الأخضر، مقدرتش أطلب ديلفري، 3 أيام محدش بيجيب لي أكل، وإحنا في تصوير وشامة ريحة الأكل".

وأضافت : "جعانة جدا محدش بيسألني تاكلي إيه، زعقوا هزقوا راجل، قال أنا كل يوم أقول الممثل جلال هاشم فين، غلطوا في اسمي فمكلتش 3 أيام".

وأشارت " الفنانة جلا هشام "  الى ، أنها قررت الاستراحة قليلا بعد مسلسل “راجعين يا هوى” لاستعادة طاقتها "مش فارق معايا الانتشار والتواجد بس بهتم جدا إنى أقدم محتوى أحبه وأقتنع بيه، مش عاوزه أبقى نجمة كبيرة وبس عاوزه أكون مقتنعة بكل عمل بقدمه". 

وتابعت : "عاوزة أكون مبسوطة ومش حابة أكون نجمة مريضة أو تعبانة نفسيا، وأنا بحب المناظر الطبيعية والهدوء، وبهتم بالحيوانات، وساعات بسافر وأستغنى عن الموبايل بهتم بالخروج والرحلة نفسها"، مشيرة  إلى أنها تزور الطبيب النفسي الخاص بها بعد كل دور فني تقوم به لأنها تتأثر بالمشكلات التي تظهر في الشخصية وتستمر في معايشة مشاعر الشخصية بعد انتهاء وقت التصوير.

أكدت " جلا هشام " ، أنها سافرت للهند وقررت التطوع في الأماكن التي تهتم بالحيوان والنبات ، " سافرت الهند وشوفت تعبان بيعدي من جنبي ومعمليش حاجة، والشعب الهندي حبوب جدا وكانوا بيحبوني وبيهتموا بيا، وفي مرة كنت ماشية من غير موبايل ونمت في حديقة وقفلوا عليا بالغلط، وأنا نباتية من طفولتي وآخر مرة أكلت لحم كان عندي 6 سنين".