الخميس، 08 سبتمبر 2022 - 01:49 م

شن الإعلامي أحمد موسى، هجومًا حادًا على الحركة المدنية بسبب اصدار بيان وشروط بشأن الحوار الوطني، قائلاً: «لنتوا واخدين أكبر من حجمكم.. بتمثلوا كام واحد في البلد.. أنتوا مين».

وأوضح موسى خلال برنامج «على مسئوليتي» المذاع على قناة صدى البلد،: «في أحزاب مش موجودة إلا على الورق.. أنا عارف كل واحد فيكم.. بس حكاية الشروط والطلبات والأوامر مش عجباني».

وأضاف موسى: «المواطن كره حركة اسمها الحركة المدنية.. علشان إيه ده يعني.. أنا شخصيًا عارف قوتك.. والله العظيم في أحزاب مفيهاش أي عضو هو أنت عايز تفشل الحوار الوطني لمصلحة مين.. طب ليه دخلت من الأول».

وشدد موسى على ضرورة التغاضي والتنازل وتجنيب المصالح الشخصية لحساب مصلحة مصر «تنازل شوية كفاية طلبات ومصالح شخصية.. ابحثوا عن مصر».

وتابع موسى: «أنت أوضة وصالة جاي تتشرط على البلد.. أنا بنصحكم اتكلم على قد وزنك والحوار هينجح بإذن الله.. عودوا إلى صواب العقل والرشد».

إنفعال وغضب من أحمد موسى على الهواء .. الحركة المدنية «أوضة وصالة» وتشترط على الدولة في الحوار الوطني #على_مسئوليتي #صدى_البلد pic.twitter.com/wEEKnEygsw

— صدى البلد (@baladtv) September 7, 2022