الأحد، 18 سبتمبر 2022 - 04:42 م

كشفت الإعلامية مفيدة شيحة، عن أهم ما يعجب المرأة في الرجل في العلاقات العاطفية، مؤكدة أن الرجل المستقر مادياً ينال إعجاب المرأة اولاً واخيراً. 

وأوضحت مفيدة شيحة، في برنامجها «الستات»، المذاع عبر قناة «النهار وان»، مساء اليوم الأحد، أن :"الستات اولاً و اخيراً بيعجبها الرجل المستقر مادياً، و ياريت لو يكون وسيم و حنين و دمه خفيف و ناجح وكل الصفات الحلوة دي".

وأضافت مفيدة شيحة، أن في اعتقادي اهم حاجة للست انه يكون مادياً مش معرض لمخاطر على المدى الطويل لأن دا اللي هيحدد مستوى استقرارهم العائلي، مستدركة أن رغم انه الشائع و الموضة انه الجذاب اكتر بيكون مريب و غامض و متعدد العلاقات و بيختفى بدون سبب و فجأة.

وتابعت مفيدة شيحة، أن على اعتبار ان دي علاقة مثيرة فيها مغامرة و تحدي و انتصارات لحظية.. فيها ادرينالين و شعور بالخطر و المراوغة.. و دي البنات  اللي بيشوفوا الرجل الطيب الهادي الرقيق الحنين ممكن يكون ممل او بيخاف من المغامرة و دا بيفقدهم الحماس في العلاقة على المدى الطويل".

وخصصت الإعلامية مفيدة شيحة، في برنامجها "الستات"، المذاع عبر قناة "النهارد وان" الفضائية، مساء اليوم الأحد، فقرة عن العلاقات العاطفية، حملت عنوان "الرجل الحنين رزق و لا ريسك؟". 

وخلال الفقرة قالت مفيدة شيحة، إن من الأسئلة او التحذيرات الأحدث على السوشيال ميديا، إن الرجل الحنين ريسك!، مصيفا أن الخوف من حكاية الرجل الحنين انه يكون حنان كاذب او طريقة يعني، ولكن مش حقيقته". 

وتابعت مفيدة شيحة، :"واصل ازاي هنعرف الراجل الحنين في مجتمع بيربي الراجل انه لازم يكون خشن و جامد و حنش و ميظهرش عواطفه و رقته و مينفعش يكون لطيف علطول مع الست عشان تحترمه و تعمل له ألف حساب".

وأكملت مفيدة شيحة،" بالتالي هتلاقي رجاله من جواهم حنينين و طيبين حقيقي لكن بيظهروا عكس دا إنما عشرتهم طيبة و كلهم أصول و ولاد ناس و بيصونوا الست اللي معاهم، وأما اللي بيظهر الحنيه عمال على بطال دا يقلق بصراحه! او مش جذاب او مضمون يمكن..!". 

اقرأ أيضا:مفيدة شيحة: الرجل بطبعه كائن «طماع» |فيديو