السبت، 24 سبتمبر 2022 - 11:44 م

تساءل الإعلامي عمرو أديب، لماذا لا نترك الناس تموت في سلام؟"، قائلا: "بقالنا سنتين مش بنسيب الناس اللي ماتوا في حالهم.. ليه بقيتوا متوحشين كده".

وانتقد أديب، خلال برنامج "الحكاية" المذاع عبر فضائية "إم بي سي مصر"، مساء السبت، الخوض في حياة الفنان هشام سليم الشخصية  بعد وفاته، قائلا: "هشام سليم مات.. إنتم مالكم باللي حصله، وهل كان في خناقات مع أهله ولا لاء، فارق معاكم إيه كان في مشاكل مع إخواته ولا أولاده، ليه بنعمل كده.. انا بقيت خايف أموت، أنا مش عايز أموت عشان اللي أنتم بتعملوه ده، هتعملوا حفلة غير طبيعية".

وأكد أن هشام سليم كان متصالحا مع أسرته، وتوفى في حضن أهله، مضيفا: "الناس بتقول أخوه مصلاش عليه، وأنتم مالكم، قولوا الله يرحمه، ده ابن صالح سليم، يا عالم يا ظلمة ده بين ايد الرحمن الرحيم، اتقوا الله خلوا عندكم رحمة"، موجها رسالة إلى المصريين: "لما أموت قولوا الله يرحمه وخلاص"..

وتابع الإعلامي عمرو أديب، "بقينا قتلة ننهش في لحم الناس وهى ميتة، سيبوا الناس تموت في سلام.. التوحش ده جه منين، الله يرحمه ويصبر أهله".

اقرأ أيضا| الباز عن التسجيل الصوتي للزعيم عادل إمام: «يبدو قديم»