الأربعاء، 28 سبتمبر 2022 - 06:22 م

شعر: فؤاد حداد 

«يا حضن مصرى يا طلعة فجر يا ريّس / مع السلامة يا والد يا أحنّ شهيد / آدى الرقاب ودى الأعلام بتتنكـّس/ فين طـلـّتك فى الدقايق تسبق المواعيد / والابتسامة اللى أحلى من السلام بالإيد/ يامعانا فى كل فرحة ومعركة وجديد / أؤمر لى بحقوقى وهدوم الولاد فى العيد / والمجانيّة ومرايل بيضا والأناشيد / والصبر ما يغلبوش الذلّ والتنهيد / فرّقت ورقك وقلت الكلّ يكتب لى/ من البحيرة من الشرقيـّة من قبلى / أنا خفت لو أم تنده وتلاقينى بعيد / ياما السفر والبريد ياما الأمل بدرى / ياما الغلابة تريد منشيّة البكرى / وياما قلبك خفق من رحمته وضناه / كل الآهات شعب واحد يا حبيب الله / يا صادق العقل واكتاف الفواعليّه / صدر الشهامة اللى أكبر منها حنيّه / نسّيتنا أيّام ما كانت راسنا محنيّه / آدى المدارس وادى الشوارع وادى العمال / والفـلاحين الأحبّه أمّتك يا جمال/ داوم على الحق يا كبير العرب داوم /عشر ليالى بضحاها وانت مش نايم / خلـّينا نعلى بحناجر تطلبك ودموع / يا قوة الشعب يا قلب الوطن مسموع / يا رؤية الذاكرة يا واحد الجماهير/ صوتك نبع من نبات نادى وشرف وضمير/ من ملحمة ومن دموع زى النهاردا كتير/ خلينى أسأل دموعى قبل ما اكتبها / وليل ما كانش انتهى وأيّام نعتـّبها / واسمك يدور فى المناره خالد الإحساس / مين اللى أكبر مقامك فى قلوب الناس / إلا مقامهم فى قلبك». 

إقرأ أيضاً|شد الحبال.. احتفالات الشعب الكوري بموسم حصاد الأرز | صور