السبت، 01 أكتوبر 2022 - 12:17 م

تصدرت الفنانة نادية الجندي، تريند محرك البحث "جوجل"، وذلك بعد تصريحاتها التي أدلت بها  في برنامج "حبر سري"، مع الإعلامية أسما إبراهيم.

كشفت الفنانة نادية الجندي عن تفاصيل مثيرة للغاية عن حياتها الشخصية، بالإضافة إلى الحديث عن علاقتها بالشائعات.

كما قامت الفنانة نادية الجندي بالإجابة على أسئلة البرنامج بكل صراحة ووضوح.

وعند سؤالها عن رأيها في شائعات ارتباطها قالت: "الشائعات كترت حواليا أوي الفترة اللي فاتت بخصوص الارتباط والجواز".

وأضافت: "هو بغض النظر عن اني مش ببص للشائعات دي ولا بتشغلني بس ليه لا ليه متجوزش ومرتبطش".

وأكملت: "أنا كمان مش بس مش عندي مانع إني اتجوز في الوقت الحالي أنا كمان عندي مواصفات لفتى أحلامي".

وأعلنت مواصفات فتى أحلامها قائلة: "لازم يكون راجل واحس أنه اد المسؤولية"، و"لازم احس بالحنان والأمان والصدق معاه"، و"لازم يكون محبوب بين الناس عشان أقدر أعيش معاه".

 وتابعت: "أنا عارفة أن الصفات دي مش موجودة في الزمن بتاعنا دا.. بالنسبة لي في مواصفات تانية للراجل غير سنة".

وواصلت: "عادي جدا لو اتجوزت حد أصغر مني لأن مفيش قانون بيحط سن معين بين الراجل والست".

نادية الجندي تتحدث عن أفلامها مع الزعيم عادل إمام واختلافها معه  

وتحدثت نادية الجندي، عن أفلامها مع الزعيم عادل إمام، مُضيفة: "لما كنت بنزل أنا وعادل إمام مكنش في مجال لحد ينزل تاني، ولما كنا بننزل بأفلامنا كل دور العرض بتبقى محجوزة لنا".

وعند سؤالها عن اختلافها مع عادل إمام قالت: "مفيش أي صحة اختلافي مع عادل إمام على ظهور إسمنا قبل بعض".

وأضافت: "فيلم 5 باب أعظم فيلم عملته في كل أعمالي وكل اللي كانوا في الفيلم كانوا متعاونين جداً".

وأكملت: "عادل إمام كان بيقعد معانا في أوقات غير اللي كان بيصور فيها وكان يقولنا عشان أنا بحبكم".

وتابعت: "علاقتي بعادل إمام قوية جدا والفيلم نجح لأن الكل كان إيد واحدة.. وفيلم 5 باب من أنجح الأفلام العربية حينها والفيلم وصل لكل القلوب بطريقة كبيرة أوي".