الأحد، 02 أكتوبر 2022 - 07:07 م

قال الشيخ رمضان عبد المعز، الداعية الإسلامي، إن الرزق نوعان رزق يطلبك ورزق تطلبه، متابعًا: "في رزق بيجري وراك بيطلبك وفي رزق أنت اللي بتجري وراه".

وأضاف عبدالمعز خلال تقديم برنامج "لعلهم يفقهون" المُذاع على فضائية "DMC"، اليوم الأحد: "الرزق اللي أنت بتجري وراه ده رزق سنتك، عاوزين نعمل إيه السنة الجاية واللي بعدها وبعد 10 سنين نعمل إيه، في الحالة دي أنت بتتكلم على رزق سنين لسه جاية، بس في رزق بيجري وراك وهو رزق يومك، سيدنا علي بن أبي طالب قال فإن لم تأتيه آتاك".

وتابع: "مينفعش النهاردة يخلص إلا أما يجيلك رزقك، وسيدنا علي قال فإن تكن السنة من رزقك يعني لو السنة دي من عمرك مكتوبة لك رزقك هتعيشه يعني، فإن الله مع كل فجر جديد قاسم لك رزق هذا اليوم، وإن لم تكن السنة من عمرك فلما تحمل هم ما ليس لك، يعني تشيل هم حاجة ليست مكتوبة لك ليه؟".

واستكمل الشيخ رمضان عبد المعز، الداعية الإسلامي،: "فمن أصبح منكم آمنًا في سربه معافى في جسده عنده قوت يومه فكأنما حيزت له الدنيا"، متابعًا: "افرح بفضل الله وبسيدنا النبي".

اقرأ أيضا:داعية: «اللى عايز ربنا يكرمه يعمل كده».. فيديو