السبت، 08 أكتوبر 2022 - 09:33 م

حلت الفنانة صفاء جلال، ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر".

ووجهت الإعلامية ياسمين عز سؤالا للفنانة صفاء جلال، قائله: "الناس بيقولوا ازاي تبقى بنتك محجبه وانتي لأ؟"، لترد قائله: "في عيد ميلاد بنتي نزلت صورة على صفحتي الخاصة والموضوع تحول لهجوم عنيف شديد اللهجة".

إقرأ أيضا|صفاء جلال: لجأت لعمليات النحت والتخلص من الوزن الزائد وبحب أدلع نفسي

وواصلت حديثها: "بنتي اختارت إنها تلبس الحجاب وهي في الثانوية العامة، وأنا قولت لها، لو هتلتزمي بيه، وهتعمليه صح؛ أنا معاكي، وهي لبسته بكل حب، وهو لبس شرعي، ربنا يكتب لي إني ألبسه؛ لأني بتمنى إني ألبسه زي أمي وأختي، وأصحابي كتير محجبات، ونفسي أبقى زيهم".

وأضافت: "الناس هاجمتني منهم اللي قالي اتقي ربنا واتعلمي الأخلاق من بنتك، دا أنتي رجلك والقبر"، موضحة: "الراحل وائل الإبراشي عمل مداخلة وبنتي سلمى اتكلمت وقالت له ماما هي اللي علمتني كل حاجه".