الإثنين، 10 أكتوبر 2022 - 08:52 ص

كشف المخرج رامي إمام تفاصيل الحالة الصحية لوالده الزعيم عادل إمام، مؤكدا أنهم كعائلته اعتادوا على الشائعات السخيفة التي أثيرت حول صحته.

وأضاف «إمام» خلال لقاءه مع الإعلامي عمرو أديب في برنامج الحكاية على قناة «ام بي سي مصر»، احنا كعيلة عادل إمام اتعودنا على الشائعات، وبقت جزء من حياتنا، وأنا ومحمد وسارة اتربينا على الشائعات، هو زي الفل، وبيستمتع في حياته مع أحفاده اللي بقاله كتير مقعدش معاهم».

وأشار إلي أن عادل إمام عمل كل حاجة في الحياة، يوم ما يقرر يشتغل، هيشتغل شئ أنا مقتنع بيه وجديد عليه، لأنه عمل كل حاجة في الحياة، مفيش دور وموضوع مقتنع بي، خلاص أنا مستمتع بحياتي مع أولادي وأحفادي، فالزعيم عادل إمام قدم 155 فيلم».

وأوضح رامي إمام أن عادل إمام من 2010 إلى 2020 قدم مسلسلات، فتصوير المسلسلات منهكة لأي مسلسل، ولحد انهاردة بنعرض عليه شغل، وصعب جدًا تنقي موضوع لعادل إمام لأنه قدم كل الموضوعات».

وأكد أن والده من حوالي شهرين، قال لي انا نفسي يبقى عندي كلب، قولت له حاضر ، وجبناله كلب، وهو مبسوط جدًا بيه، فهو مستمتع بالحياة مع أولاده وأحفاده، فهو مشفناش في حياته كتير ومن حقه أنه ياخد راحته من الحياة شوية، مضيفاً أنه بيحب يحل الكلمات المتقاطعة لكل الجرائد وبالقلم الفولماستر كمان.